Regreso da Superliga 2 de voleibol. Tralo parón, os dous equipos galegos xogan esta fin de semana na casa. O Autos Cancela Zalaeta será o primeiro en poñer o balón en xogo na Polideportivo do Barrio das Flores recibindo o Extremadura Arroyo. Unha hora máis tarde faranno o equipo lucense, o Arenal Emevé ante o CV Torrelavega en Lugo.
Jorge Barrero (Zalaeta): “É moi importante para nós sumar puntos nas xornadas que quedan da Superliga 2”
Non está sendo unha semana complicada para o Autos Cancela Zalaeta. Moitas das súas titulares como Patricia, Emma e Laura non están podendo adestrar. “Teñen diversos problemas físicos pero esperamos contar con elas para o partido”, comentaba Jorge Barreio, o adestrador das herculinas, para As Nosas.
Volve a competición e serán as primeiras dos equipos galegos en xogar. O sábado (22 de febreiro, ás 19.00 horas) reciben na casa —Polideportivo do Barrio das Flores— ao Extremadura Arroyo na xornada 17 da competición. Para esta cita esperan contar coa baixa de Ele e Cristina.
“Todos os partidos que nos quedan son moi importantes en canto a posibilidade de sumar puntos, que os necesitamos. O equipo xogou moito mellor no último partido en Canarias, e a pesar de que coñecemos o potencial do Arroyo, xogando na casa esperemos conseguir a vitoria”, comentaba o técnico, Jorge Barreiro.
En Extremadura, no encontro correspondente a primeira volta, as locais gañaron por un 3-1 as coruñesas. Pero na actualidade, as herculinas están un punto por diante delas. Son sétimas na clasificación xeral con 19 puntos fronte os 18 na oitava posición das extremeñas.
Recordemos que as nosas xogadoras, na última xornada arrebataron un punto o Arona Tenerife na súa casa por un electrónico de 3 a 2. O seu rival deste domingo ven de perder ante as luguesas do Arenal Emevé por un 0 a 3.
DATOS DE INTERESE
DÍA E HORA: 22 de febreiro, ás 19.00 horas.
CAMPO: Polideportivo do Barrio das Flores – A Coruña
ÁRBITROS: Aroa García.
INCIDENCIAS: Partido correspondente á xornada 17 da Superliga 2 de voleibol no que enfrontará ao Autos Cancela Zalaeta e o Extremadura Arroyo no Polideportivo do Barrio das Flores.
José Valle (Emevé): “Cóstanos xogar contra Torrelavega porque son moi competitivas”
A guinda da competición poñeranna o Arenal Emevé. Reciben no pavillón municipal unha hora máis tarde (o sábado 22 de febreiro, ás 20.00 horas) ao CV Torrelavega. José Valle, o técnico do equipo lucense, terá a todo o seu plantel dispoñible.
“O rival ahora mesmo está no penúltimo lugar da clasificación. Pode ser un poco enganoso porque teñen moito potencial. Eu mesmo creo que é un conxunto que podería estar un pouco máis arriba”, comentaba sobre o Torrelavega o adestrador do Emevé para As Nosas.
Na primeira volta, as galegas gañaron na casa do rival desta semana por un 3 a 1. “É un plantel veterano que leva moitos anos xogando xuntas. Sempre cóstanos moito xogar contra elas porque son moi competitivas. Teñen xogadoras que militaron na máxima competición pero esperemos que nos saía un bo partido na casa e sumar unha nova vitoria“, engadía José Valle. Ademáis na xornada anterior perderon por un 0 a 3 ante o REDPISO Torrejón.
As galegas están a dous puntos do líder —nun segundo posto—, o Sayre Décima pero a competición está moi reñida. “Aínda que este ano está sendo moi disputada esta liga quizáis ata as últimas xornadas non se saberá que estará en postos de ascensos nin de descenso”. Agora mesmo levan un racha de catro partidos sen coñecer a derrota.
DATOS DE INTERESE
DÍA E HORA: 22 de febreiro, ás 20.00 horas.
CAMPO: Pavillón Municipal – Lugo.
ÁRBITROS: Hugo Suárez Ucar.
INCIDENCIAS: Partido correspondente a xornada 17 da Superliga 2 de voleibol no que enfrontará ao Arenal Emevé e o CV Torrelavega no Pavillón Municipal de Lugo.
