O pasado 21 e 22 de decembro, celebrouse en Castellón a XXX edición da Copa de España de Clubs de Natación de Primeira División, onde participou o club galego CN Galaico. Tamén tivo lugar a XXVI edición da Copa de Segunda División, onde en categoría feminina competiu o CN Ponteareas.
As nadadoras do club Galaico xogábanse a permanencia pero non foron quen de manterse na categoría. Polo tanto, a vindeira tempada competirán na Copa da Segunda División.
Paula Goyanes, Antía García, Alicia Bouzas, Laura Cano, Carla Goyanes, Iria Rodríguez, Nayara Fernández, Paula Fariña, Gabriela Simón, Candela Sánchez, Ana Pérez e Nuria Payola viaxaron acompañadas do técnico Diego Pérez. Este equipo foi a única representación galega no torneo.
A pesar de perder a categoría, desde o CN Galaico móstranse orgullosos do traballo das nadadoras e subliñan a actuación de Gabriela Simón en 50 Espalda Feminino, onde logrou a Mellor Marca Galega de 12 anos cun 32,90.
Ver esta publicación en Instagram
Sofía Carballo, do Ponteareas, brillou na Copa
En Segunda División competiu o CN Ponteareas, por segunda vez na súa historia. Os resultados desta edición serviron para mellorar os que acadaran no 2019, logrando o 12º posto no ránking.
Entre as nadadoras do Ponteareas destacou a actuación de Sofía Carballo, que bateu tres Mellores Marcas Galegas de 14 anos, en 50 braza, cun tempo de 33.82, en 100 braza con 1:13.44 e tamén en 200 braza, con 2:35.04.
Ver esta publicación en Instagram
