Esta fin de semana comeza a primeira fase da Liga Nacional de Karate en categorías júnior e Sub-21. Como representación de Galicia, a Federación Galega seleccionou a cinco deportistas femininas.
Durante o sábado, 24 de abril, terá lugar a competición masculina, con catro competidores de kumite. Xa na xornada do domingo 25, celebraranse as probas femininas.
Por parte galega competirán Martina Soto, do Bunkai, en kumite júnior -59 kg; Alba Rocha, tamén do Bunkai, no mesmo nivel pero +59 kg; Lucía Guerrero, do club Renbu-Kan, en sub21 -68 kg; Lucía Herrero, pertencente ao River-Stone, tamén en sub21 pero en -50 kg. Finalmente, a única participante de kata, en sub21, será Ananda Ganesha Alberte, do Kaizen Karate Academy.
