O Ourense Envialia levouse o premio do triunfo no derbi ante o Cidade de As Burgas (1-3). As verdibrancas que prepara Manolo Codeso foron, unha vez máis, un difícil rival a bater. Perden pero loitan como ninguén. Con esta actitude e traballo, algún día chegará o premio a un xogo tan perseverante. Esta vez, os tres puntos foron para o casilleiro das de Morenín que respiran máis tranquilas xusto no medio e medio da táboa.
Como todos os derbis o duelo entre Cidade de As Burgas e Ourense Envialia contou con momentos tolos e correrúas, pero en xeral o espectáculo ofrecido por ambas as dúas plantillas foi digno dunha cidade que ten dous equipos na máxima categoría do futsal feminino español
O primeiro gol foi obra de Iria Saeta que aproveitou a caída de Aroa e bateu a Ana Lastra desde o chan cun remate cruzado case imposible (o fixo metres case tocaba o chan ao tamén ela esvarar) . A futbolista, con pasado no Cidade de As Burgas, por respecto ao seu ex equipo, non celebrou externamente o gol.
Así se chegou a o descanso cun 0-1 para as visitantes, por decir algo, xa que ambas as dúas plantillas xogan no mesmo recinto deportivo.
Dous goles de Laura Uña
O segundo tanto foi obra de Laura Uña que entraba polo centro do terreo de xogo. Uña, unha vez superou á súa par, so tivo que empurrar o esférico ante o pase medido de Judith desde a ala esquerda do ataque das xogadoras do Ourense Envialia (0-2).
Recurtaría distancias Fara rematando un saque desde o curruncho no minuto 29 e metendo de novo ao Cidade de As Burgas na loita por levarse o derbi ourensá (1-2).
O derbi non se decidiu ate os minutos finais cun novo gol da mellor xogadora do partido, Laura Uña, que batía cun tiro pola escadra a Ana Lastra. A xogada iníciaa xustamente ela roubando un balón na saída nun inicio de xogadao do Cidade de As Burgas. Como se adoita decir nestes casos, Laura Uña ‘roubolle a carteira’ á súa oponente, logo fixo a parede con Iria Saeta que lle devolve a pelota e lle permite colocarse soa diante de Ana Lastra que sae a tentar parar o inevitable, o 1-3 definitivo.
Seguintes retos
Rematada esta novena xornada no Grupo A da Primeira División do Fútbol Sala Feminino da RFEF, o Ourense Envialia FS ocupa a quinta posición (xusto no medio da táboa), mentres que o Cidade de As Burgas é penúltimo.
O equipo que adestra Manolo Codeso aínda ten un compromiso ligueiro antes de que remate o ano. Será o partido aprazado na segunda xornada contra o CD Leganés FS, que terá lugar o 27 de decembro en Ourense.
Esa mesma data, o 27 de decembro, tamén recuperará o Pescados Rubén Burela o seu partido desa segunda xornada de Liga contra o Intersala Promesas. Deste xeito, so quedaría pendente de recuperar o Ourense Envialia vs Penya Esplugues da sexta xornada.
O DERBI OURENSÁ FOI TRANSMITIDO POLA TVG E POLO CONCELLO
Recollida de alimentos no Paco Paz
Esta cita deportiva co fútbol sala feminino ourensá que tivo lugar no Paco Paz foi aproveitada para levar a cabo unha acción solidaria da man da asociación AXAMENCER na que se recadaron máis de 130 quilogramos de comida que se destinan a sumarse a súa Operación Quilo 2020.
PARTIDO SOLIDARIO
Ayer en el derbi hemos recaudado para la asociación @axamencer 130’85 kg de comida además de una donación del club de 200€
Gracias afición por la ayuda y colaboración, siempre apoyando pic.twitter.com/iaZHvuOTMG— Cidade de As Burgas FS (@cidadeasburgas) December 13, 2020
