Antes de comezar a segunda fase e a loita polo título de campión da Primeira División, o Ourense Envialia e o Poio Pescamar teñen unha cita pendente. As galegas disputarán este martes, 23 de marzo, ás 20:00 horas a volta da semifinal da Copa Galicia de fútbol sala feminino. Na final, agarda o Pescados Rubén Burela FS.
Esta é a cuarta data que se lle asigna á semifinal. Orixinalmente, este partido teríase xogado coincidindo cos inicios da pandemia. Despois, en setembro, un gromo no club local obrigou a buscar unha nova data, marcada para febreiro, cando foi o Poio o que non puido competir pola COVID-19.
O desempate da Copa
Ourensás e pontevedresas xóganse un posto na final do torneo autonómico, despois de empatar na ida, hai xa 13 meses, cun 0-0. Debido a isto, se se dera outro empate, pero con goles, o Poio Pescamar sería o clasificado para a final, por ter anotado como visitante. De todas formas, a aposta segura é que o gañador loitará polo título galego.
No que vai de tempada, ambos equipos galegos víronse as caras en varias ocasións entre Liga e Copa da Raíña, con vitoria pontevedresa na primeira e ourensá na segunda.
Atendendo á clasificación da competición regular, tanto Envialia como Poio contan cun posto na segunda fase para acceder ao play offpolo título. As primeiras remataron na cuarta posición do Grupo A, cun balance de oito vitorias, dous empates e seis derrotas. As segundas, quedaron na terceira posición, con once vitorias, dous empates e tres derrotas.
O partido será retransmitido en streaming polo Envialia
A semifinal galega, que se celebrará a porta pechada no pavillón de Os Remedios, poderá seguirse vía streaming na canle de Youtube do club ourensán.
📺 STREAMING CANAL OURENSE ENVIALIA // https://t.co/FctZzV69B4
🔑PUERTA CERRADACOPA XUNTA // SEMIFINAL · VUELTA // OS REMEDIOS // 23/03 · 20:00H // OURENSE ENVIALIA FSF · @poiopescamar
En la ida (0-0)
Competición especial!¡Siempre juntxs! 🧡#imosOlio#ourensEnvialia pic.twitter.com/Tg10TWGZ95
— Ourense Envialia FSF (@OUenvialiaFSF) March 22, 2021
