María Figueroa (Mery) é unha das perlas coas que conta Luis Treviño no seu plantel. A zaguera do conxunto de Villalonga está a contar con moitos minutos no que vai de tempada sendo unha xogadora fundamental na defensa do equipo colider do Grupo I da Primeira División Nacional.
A 3 do Viajes Interrías recoñeceu nunha entrevista ao seu club tres dos seus referentes no mundo do fútbol e eloxiou a súa ex compañeira no Atlético de Matamaná, Sara Álvarez: “é un seguro de vida”. A galega tamén destacou o equipo que máis sorprendeulle no que vai de Liga e as súas teimas antes dos partidos. Mery, unha xogadora con moita proxección e futuro.
Pregunta: Con que idade empezaches a xogar ao fútbol e que foi o que che animou a comezar?
Resposta: Empecei xogando a fútbol sala nun equipo do meu pobo Grupo Casa Paco 81. Despois xa aos 6 anos comecei a xogar a fútbol na Escola de Fútbol Basee de Redondela. O que me animou a comezar foi ver xogar ao meu irmán que é maior que eu e que sempre estaba cunha pelota nos pés.
P: Cal é o teu obxectivo persoal (individual e colectivo) no caso de volver a retomar a Liga?
R: Como obxectivo individual quero seguir mellorando e seguir formándome así como axudar ao meu equipo en todo o que poida. Como obxectivo colectivo gustariame pelexar por poder alcanzar o ascenso.
P: Como peza crave na liña de centrais do Viajes Interrías, ata o de agora, con que equipo consideras que o equipo sufriu máis en defensa?
R: Para min, o equipo que máis nos fixo sufrir en todos os aspectos foi o Oviedo, un equipo que me chamou moito a atención e que me gustou porque se notaba que estaba traballado e tiñan as cousas moi claras.
P: Tes algunha teima os días de partido?
R: Pois a verdade é que bastantes. Por exemplo, o día do partido sempre como o mesmo, preparo as miñas cousas dúas horas antes de irme de casa revisando a mochila unhas cinco veces polo menos e escoito sempre a mesma música.
P: Tres xogadores/as que teñas como referencia.
R: Tres xogadores que me gustan moito e das que tento aprender son:
– Mapi León porque me parece unha xogadora cun carácter moi competitivo,
– Iris Arnáiz porque eu antes xogaba nesa posición e sempre me gusta a forma que ten ela de interpretar o fútbol.
– Sara Álvarez (Muñi) porque tiven a sorte de xogar con ela e é unha xogadora que sempre quero no meu equipo. É como un seguro de vida.
