“O Dépor é a miña casa. Ogallá algún día poida volver vestir a camiseta branquiazul”.
“Non me sorprende a gran tempada de Peke, fai o que quere co balón. Adestrando con ela dáste conta do boa que é”.
“O Friol, na súa casa, sempre é un equipo que hai que ter en conta. Seguro que nos poñerá as cousas difíciles na Reigosa”.
“O soño máis próximo que teño é ascender e debutar na Liga Iberdrola co Eibar”.
A pontesa Malena Mieres (As Pontes, 2000) é unha das grandes perlas do fútbol galego.
Aínda é moi nova pero xa acadou grandes metas no fútbol. Na súa curta traxectoria vestíu as camisetas do Friol, Deportivo ABANCA e agora está a defender as mallas do Eibar. No verán do 2018 chegou e besou o santo coa Selección Española sub19. Foi convocada por primera vez co combinado nacioal e conseguiu alzarse co título de campioa. Unha gran xesta para unha portaría que está a punto de cumprir os vinte anos, unha perla que a pesar de ter corazón deportivista, defende e síntese moi identificada do ADN armero.
O vindeiro domingo, a galega visita un campo que coñece moi ben. O SD Eibar viaxa ata Friol para xogar no municipal da Reigosa para medirse a un plantel galego moi necesitado de puntos. Malena defendeu a meta lucense durante a tempada 2015/2016 e garda un gran agarimo do equipo da súa terra.
Malena Mieres é talento puro e confía algún día en xogar na elite do fútbol. De momento, co seu actual equipo, nun futuro, xa se saberá…
– As Nosas: Como valoras a túa primeira tempada no Eibar? Estás a contar con moitos minutos e sumando grandes rexistros.
Malena Mieres: Ao principio non me esperaba xogar tanto como o estou facendo agora. Cando cheguei aquí dixéronme que iamos ser dúas porteiras e que as dúas iamos ter minutos e a alternarnos. En pretemporada nos turnábamos bastante pero logo xa empecei a xogar eu con asiduidade. Logo, é certo que me lesionei e estiven fora tres semanas. Recupereime e volvín xogar todo e a día de hoxe sigo xogando. Estou moi contenta e moi agradecida ao Eibar pola oportunidade e polo agarimo que me están a dar.
– A.N: O equipo está tendo grandes resultados, 3º na táboa e a dous puntos do Athetic Club. Cales son as aspiracións do Eibar?
M.M.: O Eibar é un equipo moi novo. A gran parte do corpo técnico empezou esta tempada e a metade das xogadoras tamén somos novas aquí. O período de adaptación de todas foi moi boa e creo que temos que mirar de conseguir o máximo posible. Estando terceiras, xa que estamos aquí, teremos que ascender (entre risas).
– A.N: O domingo visitades a casa do Friol. O teu anterior equipo que non está tendo os resultados que esperaban. Como valoras a temporada do equipo galego?
M.M.: O Friol na súa casa sempre é un equipo que hai que ter en conta e moi bo. Teñen unha gran plantilla e creo que deberían de estar máis arriba na táboa. Ao final a Liga Reto é moi dura e competitiva e pode pasar calquera cousa. Para o partido do domingo espero a un Friol que nos poñerá as cousas difíciles na Reigosa. Creo que sairán con moitas ganas e moi fortes, sobre todo na primeira parte.
O Friol na súa casa sempre é un equipo que hai que ter en conta e moi bo. Teñen unha gran plantilla e creo que deberían de estar máis arriba na táboa.
– A.N: Que sentiches ao levantar o Europeo sub19? Como o recordas?
M.M.: Gañar o Europeo foi unha pasada, foi chegar e encher. Eu nunca fora á selección e recoñezo que cando penso naquilo aínda teño lagoas de sensacións, foi indescritible.
– A.N: Cal é o teu referente futbolístico?
M.M.: Sempre me fixei moito na figura de Iker Casillas pero actuamente, Sandra Panos é unha porteira na que me adoito fixar moito e tentar aprender dela. Tampouco me podo esquecer de Vero Boquete que creo que é un referente para todos os galegos. Unha xogadora única.
– A.N: Como valoras a tempada que está a facer o Dépor na súa estrea na Liga Iberdrola? Veste nun futuro voltando a vestir a branquiazul?
M.M.: Alégrome moito por elas. Están a facer un temporadón e demostrando todo o que valen. Agora que xa están salvadas teñen que lucirse e gozar da categoría. O do outro día da Copa contra o Barcelona foi unha pena pero demostraron que poden competir contra calquera. Ao final o Dépor é o meu equipo e a miña casa. Síntome deportivista aínda que agora estea a defender as cores do Eibar. Ogallá algún día poida volver vestir a camiseta branquiazul.
Ao final o Dépor é o meu equipo e a miña casa. Síntome deportivista aínda que agora estea a defender as cores do Eibar. Ogallá algún día poida volver vestir a camiseta branquiazul.
– A.N: Peke foi a túa compañeira, está a sorprenderche a gran tempada que está a facer?
M.M.: Non me sorprende porque é unha gran xogadora. Adestrando con ela dáste conta do boa que é. Fai o que quere co balón e ten moitísmo potencial.
– A.N: Que recordos gardas da túa etapa no Dépor?
M.M.: Eu saco amigas do Dépor e moita experiencia. Na miña etapa en Coruña tiven anos bos e anos malos pero de todos eles aprendín. Gardo un gran cariño de toda a familia deportivista.
– A.N: Como te defines como xogadora. Virtudes e defectos?
M.M.: Creo que o que mellor me define é o xogo de pés, o golpeo e a capacidade de decisión cos pés. Aínda son moi nova e teño bastante cousas que mellorar. O meu obxectivo é ser cada día mellor porteira.
– A.N: Gustaríache que houbera un derbi galego Dépor-Celta na elite do fútbol feminino?
M.M.: Claro, eu creo que sería moi importante para o fútbol galego e para todo o fútbol feminino en xeral.
– A.N: Como valoras a recente firma do convenio colectivo? Crees que é suficiente?
M.M.: É un paso moi grande para o fútbol feminino e totalmente necesario. Creo que é un primeiro paso pero aos poucos deberiamos ir mellorando.
– A.N: Un soño por cumplir no fútbol…
M.M.: O soño máis próximo que teño é ascender á Liga Iberdrola co Eibar e poder debutar na máxima categoría co equipo armero.
O soño máis próximo que teño é ascender á Liga Iberdrola co Eibar e poder debutar na máxima categoría co equipo armero.
- Un prato galego que non te cansarías de comer. Caldo.
- Un monumento galego que sempre recomendas visitar. Torre de Hércules.
- Polvo ou empanada. Empanada.
- Dépor ou Celta. Dépor.
- Unha cancha na que soñas con xogar. No Vero Boquete.
- Unha xogadora que admiras da Liga Iberdrola. Tere Abelleira.
- A dianteira máis temible coa que te enfrontaches/xogaches. Peke e Gaby.
- A mellor xogadora coa que xogaches. Alba Merino.
