Tras o parón de seleccións volve a competición á Liga Femenina Endesa. As galegas do Durán Maquinaria Ensino enfrontaránse este xoves, 19 de novembro, ás 20:00 horas ao Cadi La Seu.
Ambos conxuntos chegan moi igualados ao encontro no relativo aos números. Tanto lucenses como catalás contan con 14 puntos, tras catro vitorias e seis derrotas. E ambos veñen dunha derrota. O Cadi La Seu perdeu por unha diferenza de 14 puntos contra o IDK Euskotren, mentres que o Ensino caeu ante o Spar Girona.
O Ensino precisa máis xogadoras
Carlos Cantero, adestrador do club lucense, poderá contar con todas as súa xogadoras para esta undécima xornada, aínda que Bea Sánchez volveu con molestias tras a súa convocatoria do 3×3 con España. Porén, o técnico valorou positivamente a pausa da competición, xa que permitiu recuperar a outras xogadoras de baixa.
Con todo, Cantero recoñece que o Durán Maquinaria precisa máis xogadoras para poder realizar máis rotacións e afirmou que o club está traballando para conseguir unha ou dúas fichaxes. Así, a falta de remplazos no banco continúa a ser a principal dificultade a que debe enfrontarse as lucenses.
Carlos Cantero: “Chegamos ao seguinte partido cortas de efectivos”
O partido, que celebrarse no Palau Municipal d’Esports, poderá seguirse como de costume a través do Canal FEB.
Previa de la Jornada XI de #LFEndesa
🗓️ 19 Noviembre a als 19:00
✈️ Seu d’Urgell
🆚 @sedisbasquetMás información:https://t.co/7qCoejHLPJ pic.twitter.com/pMUmJMAtx6
— Ensino Lugo (@EnsinoLugoCB) November 16, 2020
