Partidazo e quinta vitoria consecutiva do Durán Maquinaria Ensino na Liga Endesa. O conxunto lucense impúxose por un claro 76-55 ó Campus Promete no Pazo Provincial dos Deportes. As de Carlos Cantero están imparables e acaban unha vitoria moi importante.
O adestrador do conxunto lucense poñía sobre a pintura a Kalis Loyd, Bea Sánchez, Atonye Nyingifa, Britany Miller comandadas por Aleksandra Stavacev. Un quinteto que endosou nos primeiros minutos un parcial de 7 a 0, das mans de Bea Sánchez desde o triplo, Nyingifa e Miller.
Tamén é verdade que as visitantes non estaban moi acertadas no tiro. No que si destacaban eran nas faltas debido a forte defensa. Cantero dediciu facer o seu primeiro campo metendo na pista a Fiona, Laura e Dinkins. A máis destacada do Campus Promete ata o momento Roselis Silva, pero Kalis Loyd facíalle sombra e a catorce segundos do final era a encargada de pechar o primeiro parcial cun 16 a 9 no electrónico.
Conexión Nyinginfa-Dinkins e as canastras de Shereesha
O Campus Promete comeza marcando no segundo tempo. Pero rapidamente a pase de Dinkins, Shereesha Richards subía os primeiros puntos das locais. Laura Aliaga, a cuarta do ránking de triplo buscaba desde a liña de 6,75 facer dano. Pero ata o momento só Bea Sánchez foi a primeira en facelo.
As de Logroño intentaba por todos os medios recortar distancias esgotando o tempo de posesión. Shereesha, moi cómoda baixo a canastra, estaba moi atenta ao rebote. Novamente, Dinkins veu a xogada perfecta e asistiu a Nyingifa para que rematara no aro. Máis tarde volvería a repetirse a conexión pero esta vez sendo ao revés.
Ainhoa López entraba na pista e Richards seguía facendo dano na zona. O triplo era protagonista nas mans de Kalis Loyd e López. Shereesha cintaba preto da canastra e xa tiña 12 puntos. Moi cerca dela estaba Loyd —con 13 ata este intre— que, de novo, desde o tiro de tres tras unha xogada de Ainhoa-Richards. Ao descanso, 41 a 23 no electrónico.
O camiño xa estaba construído e Ruano pisou a pista lucense
O tempo de lecer non cambiou as tornas do partido. O terceiro cuarto tivo un desenvolvemento similar aos dous anteriores. O Campus Promete seguía moi agreviso na defensa pero igual de impreciso no ataque.
As nosas xogadoras alongaban as posesión para castigar a defensa rioxana coas protagonistas do partido, Kalis Loyd, Shereesha Richards e Atonye Nyingifa. Sendo esta última a estrela do cuarto anotando 10 dos seus 13 puntos totais e no rebote, pelexando por o mesmo número.
O adestrador visitante, Julián Martínez, pediu ata dos tempo mortos. Era moi consciente de que a diferenza cada vez era moito maior. O Promete non lograba cambiar o rumbo do partido e a electrónico local non deixaba de aumentar ata que Laura Aliaga pechou o cuarto cun triplo que supuxo o 61 a 30.
Nos últimos minutos veuse a un Campus Promete máis liberado da presión e xogaron os seus mellores minutos. Fixeron un parcial de 15 a 25 grazas a unha Roselis Silva participativa, a unha Paula Estebas moi incisiva no ataque e a unha Milica Ivanovic precisa que debido aos seus 13 puntos nestes dez minutos axudaron a reducir o electrónico.
Pero o Ensino seguía sendo un pesadelo e Carlos Cantero decidiu darlle minutos a junior Alba Ruano, que poido facer das súas e endosar unha canastra moi celebrada polas súas compañeiras e os afeccionados lucenses. Pecharon o electrónico cun 76 a 55, o que se traduce como a undécima vitoria no táboa xeral e a quinta seguidas das lucenses. O play off está moito máis preto para o conxunto lucense.
🏀🏀ALBA RUANO +2 PUNTOS EN #LFEndesa #SomosEnsino pic.twitter.com/ZO9w94QS5s
— Ensino Lugo (@EnsinoLugoCB) February 16, 2020
A próxima semana, teñen o primeiro contacto do ano ante o Perfumerías Avenida. Recordemos que este rival será ao primeiro que se atopan na Copa da Raíña que se desputará dentro de dúas semanas.
FICHA TÉCNICA
DURÁN MAQUINARIA ENSINO: Kalis Loyd, Bea Sánchez, Atonye Nyingifa, Britany Miller, Aleksandra Stanacev —quinteto inicial—, Britany Dinkins, Ainhoa López, Maite Franco, Laura Aliaga, Shereesha Richards, Fiona O’Dwyer e Alba Ruano.
A.D. FUNDACIÓN PROMETE: Milica Ivanovic, Vanessa Gidden, Leia Dongue, Roselis Silva, Jordan Lewis —quinteto inicial—, Paula Estebas. Adrijana Knezeciv e Ayela.
PARCIAIS: 16-9/ 25-14/ 20-7/ 15-25 (76-55)
ÁRBITROS: Angel Antonio Albacete Chamon, Juan Gabriel Carpallo Miguelez e Alejandro Aranzana García.
INCIDENCIAS: Partido correspondente a xornada 20 da Liga Endesa de baloncesto no que enfrontou ao Durán Maquinaria Ensino e o Campus Promete no Pazo Provincial dos Deportes de Lugo.
