Once puntos terá que remontar o Durán Maquinaria Ensino ante o Valencia Basket no partido de volta. O cruce de ida de cuartos de final do play-off polo título na Liga Feminina Endesa rematou no pazo lucense cun 58-69 para as valenciás. Acadar un posto nas semifinais ponse complicado, pero non imposible.
📝👩 LA CRÓNICA@EnsinoLugoCB 58
🆚 @valenciabasket 69
🏆 Ida 1/4 #PlayoffsLFEndesa
🤝 Part TwoCas 👉 Valencia Basket da el primer golpe en Lugohttps://t.co/JVtHgQ9AKY
Val 👉 https://t.co/ixhbGf0pRw
Eng 👉 https://t.co/Zmp2JngdKy
📸 @Liderlugo#EActíVate pic.twitter.com/RUtSlxh7Mc
— Valencia Basket Club (@valenciabasket) April 1, 2021
As galegas non se deixaron amedrentar pola tarxeta das visitantes que unicamente tiñan perdido un partido en toda esta tempada 2020-21 e son un equipo pensado para aspirar a todo. Aínda así, téndolles plantado cara e loitando cada canastra no Pazo, tres dos catro cuartos do partido foron para as visitantes. As Lucenses que adestra Carlos Cantero so conseguiron poñerse por diante no primeiro bloque de dez minutos, e empatar no terceiro.
O Valencia Basket quixo mandar desde o comezo aínda que as galegas do Ensino nunca chegaron a estar fóra do partido. De feito, o Durán Maquinaria Ensino se adxudicaba o primeiro cuarto impoñéncose ás visitantes por un tanteo de 16-13.
Xa no segundo, as valenciás conseguían vencer por unha diferencia de 7 puntos (13-20) e se puña por diante no partido con catro puntos de vantaxe (29-33).
Á volta de vestiarios o partido chegou a un momento de moita paridade no xogo. De feito o Durán Maquinaria Ensino empataba o terceiro cuarto 16-16 e seguía so catro puntos abaixo e polo tanto con opcións para remontar o resultado no Pazo dos Deportes de Lugo.
O Valencia Basket faise co último cuarto do partido
Os últimos dez minutos do encontro foron os que, ao final, decidiron o partido para o Valencia Basket que impuxo a súa calidade para levar o cuarto por 13-20 e o partido por 58-69. Once puntos que terá que remontar o equipo lucense en terras valenciás.
As oito asistencias de Alexsandra Stanecev servíronlle para estar entre as mellores xogadoras dos partidos de cuartos de final dos Play-off da Liga Feminina Endesa. Así e todo, a xogadora máis valorada das lucenses foi Helena Oma con 24.
♀️ #LFEndesa | Las MEJORES de la ida de los cuartos de final en los #PlayoffsLFEndesa
✔️ Adaora Elonu (@unigirona)
✔️ Adaora Elonu (@unigirona)
✔️ @AleksandraStana (@EnsinoLugoCB) pic.twitter.com/jbqZmF9iHK— Baloncesto España (@BaloncestoESP) April 2, 2021
No resto de partidos dos cuartos de final da Liga Feminina Endesa producíronse os seguintes resultados:
- Spar Gran Canaria vs Perfumerías Avenida (61-80).
- Ciudad de La Laguna Tenerife vs Spar Girona (45-79).
- Movistar Estudiantes vs Gernika Bizkaia (47-42).
Ver esta publicación en Instagram
FICHA TÉCNICA
58) DURÁN MAQUINARIA ENSINO: Alexsandra Stanecev (3), Vega Gimeno (9), Laura Aliaga (5), Helena Oma (13) e Chatrice White (8) – quinteto inicial -. Tamén xogaron: Merritt Hempe (8), Bea Sánchez (4), Alba Prieto (8) e Van de Adel (-)
69) VALENCIA BASKET: Cristina Ouviña (8), Queralt Casas (6), Leticia Romero (13), Raquel Carrera (4) e Laura Gil (6) – quinteto inicial -. Tamén xogaron: Anna Gómez (3), Rebecca Allen (7), Laura Juskaite (-), Marie Gülich (6), Celeste Trahan-Davis (16) e María Pina (-)
PARCIAIS: 16-13, 13-20, 16-16 e 13-20.
ÁRBITROS: Juan Manuel Uruñela Uruñela, Guillermo Ríos Marcos e Javier Ávila Zurita. Elimaron por acumulación de cinco faltas persoais á xogadora visitante Laura Gil Collado.
INCIDENCIAS: Partido correspondente á xornada de ida dos cuartos de final do grupo polo título da Liga Feminina Endesa de baloncesto da FEB. Unhas 200 persoas puideron presenciar o partido desde as bancadas do Pazo dos Deportes de Lugo. O recinto conta con limite de aforo por mor das medidas de prevención e contención da pandemia de COVID-19 que teñen estipuladas as autoridades autonómicas no territorio galego en función da incidencia de casos en cada zona.
Un positivo no Ensino adía o partido de volta do ‘play-off’ co Valencia
