Case acaba de comezar a Liga Endesa e, sen embargo, para Alicia Villegas, base do Durán Maquinaria Ensino de Lugo, a tempada 2020-2021 xa rematou. A peor cara do deporte, as lesións, cruzáronse no camiño da deportista de Tarragona. Logo do partido contra o IDK a deportista estaba pendente de probas médicas. O resultado foi desolador. Confírmouse que a xogadora de baloncesto do Ensino ten unha lesión no xeonllo que afecta ao menisco e ao cruzado.
A gravidade da doenza fai que o club lucensa anunciase hoxe que a deportista vaise perder “o que resta de tempada”.
Nunha nota remitida aos medios, o Durán Maquinaria Ensino comunica a situación envía “todo o apoio e agarimo para Alicia, que, pese as malas novas, nunca perdou o sorriso e a ilusión de volver canto antes ás canchas de baloncesto. Moitísimo ánimo Alicia, xa falta un día menos para volver a verte aos mandos do equipo”, reza a nota.
