O primeiro partido do Durán Maquinaria Ensino Lugo na Liga Endesa Femenina 20/21 disputarase no Pazo dos Deportes contra Perfumerías Avenida Baloncesto Salamanca. O sábado 19 de setembro ás 19.15 horas, as lucenses enfrontaranse ao vixente campión da Supercopa. Un partido que se poderá ver en directo a través da canle da FEB.
O primeiro test da tempada é un duelo cun dos mellores equipos da Liga Feminina Endesa que xa a demostrado o seu estado de forma ao gañar a Supercopa disputada en Bilbao hai unha semana. “Elas xa xogaron un partido co estrés de gañar un título”.
Carlos Cantero, adestrador do Durán Maquinaria Ensino Lugo: “Elas xa xogaron un partido co estrés de gañar un título. Son puntos diferentes, hai dúas semanas de diferencia de pretemporada, as pernas andan diferentes, é complicado”
Con todo o técnico das galegas sabe que non son partidos parellos e matiza: “Son puntos diferentes, hai dúas semanas de diferencia de pretemporada, as pernas andan diferentes, é complicado”, afirma o adestrador do Ensino Lugo, Carlos Cantero, engandido “tamén o tomamos como que temos unha semana máis de preparación para xogar os partidos da nosa liga”.
Cantero coñece ao equipo rival e que non o terán fácil para gañar
A pesar de coñecer a dificultade do partido que teñen o sábado, o adestrador do equipo da cidade da muralla sabe que este partido pódese gañar, sobre todo xogando na casa, igual que xa o fixeron o ano pasado contra o Girona e contra o propio equipo salmantino.
Do partido de pretemporada que xogaron precisamente contra o Perfumerías Avenida de Salamanca, Carlos Cantero recoñece que saíron con sensacións positivas e neste encontro, xa de Liga, queren continuar nesa dinámica.
É consciente Cantero da complicación do rival, un dos mellores equipos da categoría, pero non da ningún partido por perdido.
Tal e como apuntaba o adestrador, as xogadoras do Durán Maquinaria Ensino coñecen perfectamente a categoría e a este contrincante co que inician a tempada ligueira.
O técnico das lucenses pensa que Roberto, adestrador do Perfumería Avenida, mete moita intensidade co equipo que teñen. “Tiveron unha pretemporada moi longa, comezaron a principios de agosto a diferencia doutros clubs e iso nótase. Ademais, é un equipo moi compensado, moi equilibrado, cun xogo exterior brutal e postes moi boas”, engadiu sobre o Perfumerías Avenida. o preparador considera tamén que co cambio de titular no banco rival o club salmantino podería ter gañando en intensidade. De feito, empezaron con moita forza a súa loita pola Supercopa aínda contando con ausencias.
Carlos Cantero, adestrador do Durán Maquinaria Ensino Lugo: “Tiveron unha pretemporada moi longa, comezaron a principios de agosto a diferencia doutros clubs e iso nótase. Ademais, é un equipo moi compensado, moi equilibrado, cun xogo exterior brutal e postes moi boas”
O Ensino Lugo chega sen ningunha baixa á estrea ligueira
Ausencias por lesión afrontará o Durán Maquinaria Ensino o seu primeiro compromiso na liga 2020-2021. Así o confirmou o técnico na rolda de prensa. “Hai, golpes, sobrecargas propias da pretempada, pero todas están adestrando moi ben. Ademais, por uns problemas ou por outros, non puidemos disputar todos os amigables que quixemos durante a pretemporada, polo que todas están con moitas ansias de xogar”, afirmou Cantero.
Carlos Cantero, adestrador do Ensino Lugo: “Non puidemos disputar todos os amigables que quixemos durante a pretemporada, polo que todas están con moitas ansias de xogar”
O adestrador mostrouse moi contento co plantel do que dispón, xa que as novas incorporacións coñecen moi ben a liga, excepto Chatrice White, procedente de Estados Unidos. “Gañamos en coñecemento e experiencia na liga, en ter unha mellor dinámica de grupo, un mellor vestiario, traballo diario. Esas cousas suman e cando a situación vai mal ou vai ben, suman máis”, recoñeceu Cantero.
Carlos Cantero, adestrador do Ensino Lugo, contento co bloque ao que prepara neste curso:“Gañamos en coñecemento e experiencia na liga, en ter unha mellor dinámica de grupo, un mellor vestiario, traballo diario. Esas cousas suman e cando a situación vai mal ou vai ben, suman máis”
Sobre fichaxe internacional, que se incorporou fai unha semana aos adestramento do Durán Maquinaria Ensino Lugo, o técnico afirmou que pouco a pouco está meténdose no equipo e cada vez ten sensacións mellores. “A adaptación das novas é moi boa”, aínda que advertiu Cantero que había diferencias de preparación física en función do momento de incorporación.
Para Cantero, o público é un elemento máis do xogo
Afirmou que está moi contento de que se poida xogar con público, aínda que sexa pouco. “O ano pasado falouse de que a última xornada aía a ser a porta pechada, aínda que finalmente se cancelou e non me gustaba. Para min o publico é un elemento máis de xogo igual que son os árbitros, os adestradores a as xogadoras. Non entendería unha competición sen público”
Carlos Cantero, adestrador do Ensino Lugo: “O publico é un elemento máis de xogo igual que son os árbitros, os adestradores a as xogadoras. Non entendería unha competición sen público”
O protocolo da volta á competición da Liga Feminina Endesa contempla o acceso aos recintos deportivos da liga con acceso reducido e con medidas de seguridade adicionais.
Precisamente sobre o tardío no coñecemento dos protocolos na competición o adestrador do Ensino lamentaba a situación vivida: “Desde o inicio de pretemporada había unha incertidume enorme. As figuras políticas non estiveron á talla do que deberan estar e nos fixeron pasar unha pretemporada practicamente insufrible”.
Así é o protocolo de prevención da COVID-19 nos partidos do Ensino
Para acceder ao Pazo e presenciar os partidos do Durán Marquina Ensino, débense cumprir un estrito protocolo de prevención do contaxio da COVID-19. Hai uns días o club facía públicas as pautas, ao tempo que tamén detallaba como sería o protocolo para os equipos da canteira nos seus adestramentos.
En definitiva, para acceder a Pazo, hai que cumprir os seguintes requisitos: Acreditar ser socio do Ensino para os partidos locais, o uso de máscara é obrigatorio durante todo o partido, durante o acceso ao pavillón tamén será obrigatorio lavarse as mans con xel hidroalcohólico
Cada unidade familiar acreditada poderá sentar xunta na zona de bancada asignada ao seu abono. A distancia mínima entre abonados será de dous asentos durante todo o encontro.
Os datos para seguir a campaña 2020-2021 da Liga Feminina Endesa
- Calendario completo
- Todos os equipos da máxima categoría do baloncesto feminino español
- As xogadoras da A á Z.
- Estatísticas (sen datos ata que se disputen xornadas)
