Baloncesto do bo e derbi galego. Ese é o cartel do partido que esta tarde (18:00 h, Pazo Municipal dos Deportes de Lugo) protagonizarán o Durán Maquinaria Ensino (anfitrión) e o BAXI Ferrol (visitante) na xornada 22 da Liga Femenina Endesa.
Ver esta publicación en Instagram
Ambos os dous equipos alcanzan este punto da competición da regularidade empatados a puntos, colocándose por diante na sexta praza o BAXI Ferrol (polo basketaverage), e sétimo o Durán Maquinaria Ensino. No obxectivo de ambos, quedar por diante do outro e gañar un chanzo de cara a consolidarse nos postos de play-off da Liga Femenina Endesa. Esos que darán opción á loita polo título ao final da tempada. O average particular tamén pode ter peso nese momento polo que os puntos valen dobre neste derbi galego.
O BAXI Ferrol, adestrado por Lino López, saíu triunfador do partido disputado na Malata na primera volta da competición (71-67). As xogadoras que prepara Suso Garrido quererán facer o propio no seu feudo lucense e superar os 4 puntos de average.
500 seareiros viaxan de Ferrol a Lugo a presenciar o Ensino vs BAXI
Está previsto que uns 500 seareiros do BAXI Ferrol se acheguen o Pazo Municipal dos Deportes de Lugo a apoiar ao equipo departamental.
Ver esta publicación en Instagram
O único dato que agora mesmo podería decandar (sobre o papel) o partido para un dos dous galegos podería ser a serie de 3 partidos consecutidos gañados que atesora o BAXI Ferrol. Pola contra, o Durán Maquinaria Ensino perdía o seu cruce previo a este derbi do baloncesto feminino galego na máxima categoría estata.
Pero xa se sabe que un derbi é cousa a parte e que todo, absolutamente todo, pode acontecer.
A galega Paula Lema dirixirá do derbi
O partido será dirixido pola colexiada galega Paula Lema Parga, Rodrigo Garvin Domingo, e Marc García Santos. A cita, será no Pazo Municipal dos Deportes de Lugo a partir das 18:00 horas.
Sala de prensa.
Lino na previa do derbi galego.
Mais de 500 siareiros acompañarán o BAXI en Lugo pic.twitter.com/4dRX6OCTqc
— Baxi Ferrol (@UniFerrol) February 20, 2026
