O seguinte reto do Durán Maquinaria Ensino pasa por terras canarias. O rival das lucenses para esta viséxima xornada de Liga Feminina Endesa será o SPAR Gran Canaria, que recibirá ás galegas na súa pista o vindeiro sábado, 9 de xaneiro, ás 19:00 (hora canaria).
O equipo que prepara o técnico Carlos Cantero chega dunha derrota ante o Lointek Gernika Bizkaia a pasada fin de semana, cun resultado final 66-78. Un resultado axustado, pero no que o mal inicio de partido das galegas foi determinante para non lograr a necesaria remontada.
Precisamente este é un dos puntos que tratará de remediar o adestrador Carlos Cantero de cara á próxima cita das lucenses. “Espero lograr unha mellor saída ao partido, despois é cuestión de manter a concentración en ataque”, declara.
Esta é a segunda vez que o comezar desconcentradas un encontro castiga duramente ás de Lugo, xa que viviu a mesma situación ante o Movistar Estudiantes.
Así, as xogadoras galegas do Duran Maquinaria Ensino esperan repetir vitoria contra as canarias, como o fixeran na primeria volta, para afianzarse dese xeito na parte media da táboa clasificatoria e ter así máis posibilidades de rematar esta fase da competición na parte alta. Actualmente seguen ocupando a oitava posición, con 27 puntos.
Pola súa banda, as deportistas canarias veñen dunha fin de semana sen xogar, debido a un positivo detectado no que era o seu rival: o SPAR Girona. Con 18 partidos xogados, as que serán locais chegan na décimo terceira posición, con 23 puntos acadados en cinco vitorias e 13 derrotas.
O SPAR Gran Canaria segue a loitar por manterse na máxima categoría do baloncesto feminino español. Para conseguilo, un dos pasos a dar será o de empregarse a fondo para dar a sorpresa diante do conxunto galego do Durán Maquinaria Ensino. A priori, as lucenses serían un equipo superior, se miramos os números, pero nada está escrito cando empeza a botar o balón. Para lograrlo, volverá a contar entre as súas filas coa recentemente recuperada Sparkle Taylor.
Esta xogadora estará no punto de mira das lucenses, que buscarán freala e ás súas compañeiras Kone e James como clave para levarse os dous puntos a Lugo.
🔥Próxima cita🔥
✈️ @cbislascanarias
9 Enero a las 19:00*
🚨Directo por Canal FEB#SomosEnsino #LFEndesa #VoltaráLoita pic.twitter.com/9fFP82SZRb— Ensino Lugo (@EnsinoLugoCB) January 7, 2021
O Ensino afronta a segunda volta sen reforzos
Unha das preocupacións do técnico do Duran Maquinaria Ensino, Carlos Cantero, é a falta de reforzos para aumentar as rotacións. “O calendario e a esixencia deportiva non nos permiten chegar a un estado óptimo de competición”, recalca.
A isto engade que os conxuntos da parte baixa si actualizaron os seus planteis no mercado de inverno, mentres que os da parte media simplemente recorreron a unha ou dúas fichaxes. No equipo lucense non haberá caras novas, polo que “temos que mellorar dentro dese hándicap e seguir mellorando como equipo e a nivel individual”, declara Cantero.
Por iso, o Duran Maquinaria Ensino xa ten a mente posta nos dous seguinte partidos, en Gran Canaria e Zaragoza, “a partir de aí veremos como enfilamos a Liga”, conclúe o adestrador.
Stanacev, no quinteto ideal da FEB
A Federación Española de Baloncesto recoñeceu á xogadora do Ensino, Aleksandra Stanacev como unha das mellores da 19ª xornada competitiva, outorgándolle o posto de base no quinteto ideal da xornada.
Malia a derrota do seu equipo no anterior partido, Stanacev logrou 26 puntos de valoración a base de anotar 16 tantos, catro deles en forma de triple e cun 100% de acerto desde o tiro libre, ademais de realizar seis asistencias.
⛹️♀️ MVP #LFEndesa: ¡Estas han sido las mejores jugadoras de 🇯1⃣9⃣!
1⃣ @AleksandraStana – @EnsinoLugoCB
2⃣ @Queralt_casas – @valenciabasket
3⃣ @LauraQuevedo_9 – @Araski
4⃣ @QDornstauder – @ReSedoso
5⃣ @keishagatling – @CasademontZGZ🖐 Quinteto ideal ⬇https://t.co/P2roiq1zGw pic.twitter.com/YgWTSS5If7
— CompeticionesFEB (@CompeticionFEB) January 6, 2021
