Rematou a Copa da Raíña para o Durán Maquinaria Ensino. As actuais campionas do torneo, o Perfumerías Avenida impúxose na súa sede por un 89 a 43. As lucenses aguantaron moi ben o ritmo pero a precisión no tiro non foi a correcta. Só Shereesha Richards foi a máxima anotadora, con 12 puntos, do Durán. Por partes das rivais, Loyd e Fagbenle fixeron un total de 30.
Tres copas das Raíña e xogar na casa foron os motores de arranque do Perfumerías Avenida. Quixeron dar un gran golpe sobre a mesa e volver a sentenciar ante o Ensino ante cerca de 4000 afecionados no Sánchez Paraíso con moito color azul sobre as bancadas. Pero tamén na pista predominaba o rosa. As lucenses xogaron cunha nova camiseta desa cor para o torneo.
Silvia Domínguez saliu a pista coa misión de poñer un alto ritmo de juego, e Loyd e Fagbenle sentenciaron fronto o aro. O primeiro cuarto foi completamente azul. Cun baloncesto físico no que destacou sobre todo a encargada de dirixir as salmantinas, Silvia. Tami Fagbenle era a dona dos dous aros. Atrapaba todos os rebotes. A guinda do cuarto a puxo Hof, para pechar o primeiro cuarto 28-15.
O Perfumerías Avenida sentenciou ao Ensino antes do descanso
No segundo cuarto, as lucenses lograron baixar o ritmo e o caudal ofensivo do seu rival. En ocasións, facían que o adestrador do Perfumerías Avenida, Miguel Ángel Ortega, parar o tempo para volver a reconducir as súas xogadoras. Intentaron por todos os medios sentenciar o aro pero parecía que o balón non quería entrar.
Ademais diante tiñan a Jewell Koyd que foi a encargada de incrementar a vantaxe. Richards e Bea Sánchez intentaron de todas as maneiras entrar no xogo das anfitrioas pero non poideron aguantar a profundidade do banco local. Ao descanso, o partido xa estaba máis que sentenciado, 50 a 19.
Tralo tempo de lecer, os dous equipos deron por bo o resultado, aínda que a intensidade seguía sendo moi alta tanto en ataque como en defensa. As locais non anotaron con tanta facilidade. Laura Aliaga non baixaba a guardia e intentaba recortar as distancias desde o perímetro cunha Atonye Nyingifa totalmente desdibuxada do xogo neste encontro. Os triplos azules seguían coándose e terminaron cunha porcentaxe de acerto de 50% para rematar un 89 a 43 na final.
As lucenses volveran para Lugo e ter tempo para preparar a seguinte cita da Liga Endesa. O próximo sábado (14 de marzo, ás 18.00 horas) terán de novo que viaxar pero esta vez ata Extremadura. Alí espérannas o Nissan Al-Qázeres de Extremadura, o duodécima da clasificación xeral. Ata o momento, as galegas están situadas nunha sétima posición con dúas derrotas consecutivas ante o Perfumerías Avenida e o Lointek Gernika.
FICHA TÉCNICA
PERFUMERÍAS AVENIDA: Teresa Cazorla (8), Silva Domínguez (6), Tiffany Hayes (7), Temitope Fagbenle (13), Kristine Vitola (2), Karlie Samuelson (8), Jewell Loyd (17), Emese Hof (12), Laura Gil (9) e Andrea Vilaro (7).
DURÁN MAQUINARIA ENSINO: Kalis Loyd (4), Aleksandra Stanacev (7), Atonye Nyingifa (4), Britany Miller (4), Bea Sánchez (2), Fiona O’Dwyer (0), Shereesha Richards (12), Laura Aliaga (6), Ainhoa López (4) e Brittany Dinkins (0).
PARCIAIS: 28-15, 22-4, 18-11, 21-13 (89-43).
ÁRBITROS: Asier Quintas Álvarez, Mikel Cañigueral Novella e Sandra Sánchez González.
INCIDENCIAS: Partido correspondente aos cuartos de final da Copa da Raíña de baloncesto no que enfrontou ao Perfumerías Avenida e o Durán Maquinaria Ensino ante 4000 espectadores no pavillón do Sánchez Paraíso. Esta tempada ambos equipos enfrontáronse en dous partidos na Liga Endesa onde no partido de ida gañou o Ensino e na volta, o Perfumerías Avenida.
