Esta fin de semana empeza a competición para o Viajes InterRías FF. Será o único representante galego na Segunda Federación. Enrique Rodríguez, é o presidente dun club integramente feminino que move preto dun cento de licencias e que, neste momento, só ten por encima en Galicia (en termos competitivos) ao Dépor ABANCA que milita na Primera RFEF.
Á fronte do banco do equipo de Sanxenxo está este curso a coruñesa Cris Oreiro que substitúe a toda unha institución no Viajes InterRías FF, Luis Treviño, un adestrador que estaba ligado á entidade desde a súa fundación, como presidente, Enrique Rodríguez, e que este curso dá un paso ao lado para que se inicie unha nova etapa.
O primeiro asalto será mañá, sábado 9 de setembro desde las 12:00 como locais recibindo ao CD Pradejón.
Enrique Rodríguez leva na presidencia do Viajes InterRías FF desde o ano 2015, cando se fundou o club. Tal e como conta o propio presidente xa antes estaba ligado á entidade, “o club empezou sendo o feminino do Portonovo S.D. e no 2016 desvinculámonos para ser un club so exclusivo feminino”.
Desde entón ata agora que o Viajes InterRías FF xoga na Segunda RFEF en representación de todo o futfem galego, o club de Sanxenxo foi escalando categorías e cumplindo etapas. O obxectivo este curso é, de primeiras, a permanencia. Logo xa se verá…
A.N.: Máis aló do primeiro equipo o traballo coa base presumo que será enorme. Cantas licencias e equipos manexa o Viajes InterRías FF?
ENRIQUE RODRÍGUEZ: Si. Cada ano temos mais nenas que queren unirse o noso proxecto, este ano vamos a quitar un equipo sénior B, cadete, infantil e promesas isto lévanos a traballar moito para seguir crecendo este ano vamos ater sobre 90 licencias de fútbol feminino.
A.N.: O novo curso supón o inicio dunha nova etapa no banco do Viajes InterRías FF. A pegada de Luis Treviño foi importante e presumo que se agarda que tamén o sexa a de Cris Oreiro?
ENRIQUE RODRÍGUEZ: Luis Treviño foi o adestrador desde que empezou o club e claro que deixou unha gran pegada, empezamos na categoría mais baixa e despois de tres ascenso deixou o club en Segunda RFEF. Dende o club estamos moi agradecidos polos seus anos de dedicación e profesionalidade o noso club e desexámoslle toda a sorte do mundo nos seus novos proxectos.
A.N.: Coa tempada 2023-24 preséntanse tamén novos retos tamén para o club?
ENRIQUE RODRÍGUEZ: Si, e a segunda tempada en Segunda RFEF e o obxectivo e salvar a categoría canto antes.
Enrique Rodríguez: “Será a primeira vez que xoguemos a Copa da Raíña”
A.N.: O ano pasado conseguiuse salvar a categoría, algo que citaba como primeira meta deste curso, hai obxectivos máis aló desde e a directiva para este curso?
ENRIQUE RODRÍGUEZ: Obxectivo e salvar a categoría canto antes, se pode ser en decembro que non sexa en maio. E se en decembro temos a categoría salvada loitaremos por metas maiores. Este ano tamén vai ser a primeira vez que xoguemos a Copa da Raíña esperemos competir ben e chegar o mais lonxe posible.
A.N.: O fútbol galego contaba con tres representantes a tempada pasada na Segunda RFEF Grupo Norte. Cos descensos de Sárdoma e Friol o Viajes InterRías FF convértese no único representante do futfem galego na categoría. Una responsabilidade engadida?
ENRIQUE RODRÍGUEZ: E unha pena que solo esteamos nos en esta categoría, esperemos deixar o nome de Galicia e da provincia de Pontevedra e do noso concello de Sanxenxo todo o alto posible e facer a mellor campaña que poidamos para que vexan que en Galicia hai bo fútbol feminino.
A.N.: Na súa opinión, que dificulta que Galicia manteña máis equipos na 1ª ou na 2ª RFEF?
ENRIQUE RODRÍGUEZ: Que Galicia non teña mais equipos na categoría incrementa moito os gastos.
A.N.: Hai canteira abondo no FutFem galego para dotar a estes equipos dunha base de futbolistas galegas?
ENRIQUE RODRÍGUEZ: Si que hai canteira de sobra e sobre todo dende a RFGF estase a traballar ben creando categorías novas desde idades pequenas e cada ano hai mais nenas xogando eu creo que vamos e bo camiño.
A.N.: Que orzamento manexa o Viajes InterRías FF para esta tempada 2023-24?
ENRIQUE RODRÍGUEZ: Este ano o orzamento do club vainos a 420.000 euros.
A.N.: Se puidera contar con máis recursos económicos para a entidade que preside, en que o investiría?
ENRIQUE RODRÍGUEZ: En ter unhas instalacións propias. Aínda así temos unhas grandes instalacións deportivas no Concello de Sanxenxo. Queremos darlle as grazas ao Vilalonga F.C. por deixarnos as súas instalacións.
