O vindeiro luns 17 de maio, día das Letras Galegas, dispútase na localidade de Arteixo, o I Encontro de Dúatlon de Menores deste 2021 no que se agarda a participación de 65 duatletas de base.
A proba está enmarcada dentro dos Encontros de Menores que promoven a Federación Galega de Triatlón (Fegatri) en colaboración co Concello de Arteixo e baixo a organización conxunta dos clubs Triatlón Arteixo, Hércules Termaria e AD.Fogar.
Neste dúatlón tomarán parte un total de catro equipos da zona da Coruña que mobilizarán a un total de 65 duatletas de base. Nenos e nenas de idades comprendidas entre os 6 e os 14 anos, que demostrarán as súas habilidades desde as 10:30 horas e ao longo da mañá, nas 4 carreiras da xornada.
30 participantes neste dúatlon serán da AD Fogar
No caso da AD Fogar, segundo informa o propio club acuden con 30 deportistas das súas Escolas de Tríatlon nas localidades coruñesas de Carballo e Oleiros. Destes, seis pertencen á categoría prebenxamín, sete á benxamín, oito á alevín e as nove restantes á categoría infantil.
