Hoxe toca Copa no futsalfem galego. Regresa a Copa da Raíña de fútbol sala coa disputa dos oitavos de final, un tramo da competición que se disputa a partido único e no que están implicados catro equipos galegos. Nesta xornada de sábado (8 de xaneiro) hai dous conxuntos galegos que se xogan o seu pase á fase final da competición. Falamos do ENCE Marín Futsal e o Ourense Envialia. No caso do Pescados Rubén Burela e o Poio Pescamar, os seus partidos foron adiados.
Esta eliminatoria copeira vana disputar 14 equipos de Primeira RFEF Futsal Feminina e dúas escuadras da Segunda RFEF Futsal Feminina, tal e como informa a Federación Galega de Fútbol.
Se non podes acudir a ver os partidos ao vivo pero gostaríache velos, perde conta, todos os encontros desta eliminatoria da Copa da Raíña de fútbol sala poderanse ver en directo a través da web de Real Federación Española de Fútbol da man de Vuvuzela.
Marín e Ourense xoga hoxe sábado
O ENCE Marín Futsal e o Ourense Envialia FSF buscarán hoxe sábado 8 de xaneiro o seu pase para a fase final do torneo do KO. O conxunto marinense xogarase o pase lonxe de Marín ante o CD La Concordia (12:30 horas), mentres que o Ourense Envialia FSF farao como local recibindo ao CD Leganés (18:00 horas).
Os últimos clasificados non se coñecerán ata máis adiante, posto que hai tres encontros adiados. Son o Universidad de Alicante – Pescados Rubén Burela FS, Sala Zaragoza – Poio Pescamar FS e Clínica Blasco Vistelche Joventut d’ Elx – Arriva AD Alcorcón.
Os horarios dos encontros da Copa da Raíña de fútbol sala son os seguintes:
| DATA | HORARIO | PARTIDO |
|---|---|---|
8 xaneiro 2022 | 12:30 H. | C.D. La Concordia – Marín Futsal |
8 xaneiro 2022 | 12:30 H. | MSC Torreblanca FS – Atlético Torcal |
8 xaneiro 2022 | 18:00 H. | Ourense CF Envialia – CD Leganés |
| Aprazado | Universidad de Alicante – Pescados Rubén Burela FS | |
| Aprazado | Sala Zaragoza – Poio Pescamar FS | |
9 xaneiro 2022 | 12:00 H. | Desguaces París La Algaida F.S. – STV Roldán FS |
9 xaneiro 2022 | 12:00 H. | Atlético Navalcarnero – Rayo Majadahonda AFAR 4 FSF |
Aprazado | Clínica Blasco Vistelche Joventut D’Elx – Arriva AD Alcorcón FSF |
