Xornada sen derrota para as galegas na Segunda Divisón de futsal. O Valdetires de Ferrol empataba na casa do Txantrea, no pavillón da Granadilla por 2-2. O Castro si que foi capaz de acadar os tres puntos nunha contundente vitoria por 7-2 ante o Promesas, nun partido reñido que decantouse para as galegas na segunda metade.
Empate con sabor agridoce
As galegas perderon 2 puntos nos últimos 20 segundos de partido. As pupilas de Diego Pardo tiveron o control do coiro e dominio durante gran parte dos 40 minutos, pero un erro ao final do mesmo puxo as táboas no luminoso. Empate a dous e a seguir pelexando polo terceiro posto co Castro e co rival de hoxe, o Txantrea.
O adestrador galego valorou tras o encontro o empate: “Creo que fomos merecedores de moito máis xa que dominamos durante todo o partido. Elas xogaron tal e como tiñamos previsto, un equipo pechado a media pista e esperando o noso erro”.
Diego Pardo, adestrador do Valdetires: “Creo que fomos merecedores de moito máis xa que dominamos durante todo o partido. Elas xogaron tal e como tiñamos previsto, un equipo pechado a media pista e esperando o noso erro”.
O reparto de puntos non serve de moito as ferrolás, que querían poñer terra de por medio co conxunto pamplonica. Pardo asegurou tras o encontro que “con este empate queda todo igual pero temos que seguir pelexando xa que queda toda a segunda volta por diante e non podemos baixar os brazos”.
Diego Pardo, adestrador do Valdetires: “Con este empate queda todo igual pero temos que seguir pelexando xa que queda toda a segunda volta por diante e non podemos baixar os brazos”.
As verdibrancas reciben a un necesitado Rodiles a vindeira xornada e terán unha gran oportunidade para voltar a saborear as meles da vitoria.
Vitoria e empate a puntos na terceira praza
O Castro cada vez é menos equipo revelación e máis unha realidade para loitar polo posto de bronce. As de Martínez acadaron unha valiosa vitoria no Municipal de Castro ante un Promesas por 7-2. Con estes tres puntos, as galegas suman 22 e igualan a puntos ao Valdetires na terceira praza. Toda unha proeza para un equipo recén ascendido.
“Por fin sacamos a espiña que tiñamos cravada da primeira volta. A verdade e que o resultado non dice o que foi o partido. Aparentemente parece que foi un encontro dominado por nós pero nada que ver, xa que foi un duelo bastante reñido. Elas se puxeron por diante e nós conseguimos empatar e fumos o descanso con 2-2”, falaba Martínez da igualdade presente sobre todo durante a primeira metade.
Martínez, adestrador do Castro: “Por fin sacamos a espiña que tiñamos cravada da primeira volta. A verdade e que o resultado non dice o que foi o partido”.
Na segunda metade o partido rompeuse e cando o Promesas cambiou de formación táctica, foron as de Castro de Rei as que aproveitaron a ocasión de poder anotar catro tantos nos 20 minutos da segunda parte. Así chegouse ao final, con 7-2 e un Castro que peta na mesa e que está a pelexar cos grandes da categoría por entrar no podio.
Martínez, adestrador do Castro: “O equipo rival puxo as cousas moi dificiles, un equipo moi duro e con xente de moita calidade”.
