Empate a tres goles no cruce entre ENCE Marín Futsal e STV Roldán na Primeira División da RFEF do Fútbol Sala Femenino disputado no pavillón da Raña. Foi o único partido da xornada cuarta que rematou en táboas.
📹 RESUMEN J4
No te pierdas las mejores jugadas del partido de infarto con ocasiones para ambos equipos para llevarse el partido en el último suspiro.https://t.co/MmgB6gJBbA#SoñemosJuntos#STVRoldan
📸 @live_vuvuzela @FutSalRFEF pic.twitter.com/6rumXpnkPB
— STV Roldán FSF (@RoldanFSF) October 3, 2022
Abriu o marcador para as locais Sara Santos anotando tras roubar o balón (1-0). Seis minutos máis tarde empataría o STV Roldán con tanto de Andrea Marín (1-1). Antes, Bea Mateos tivo unha boa ocasión de aumentar a vantaxe do ENCE Marín Futsal pero o seu tiro saíu fóra dos 3 paus.
Toñi facía un penalti aos 13 minutos que lle custaba ademais a explusión. A pena máxima transformouna en gol Ceci (2-1). Unha vez máis as galegas colocábanse por diante no electrónico do pavillón da Raña.
Pero sen tempo de gozalo empataba o STV Roldán por medio de Ángela Górriz (2-2). Con ese tanteo chegouse ao descanso.
Xa logo do paso por vestiarios sería o STV Roldán quen, por fin, conseguise poñerse por diante no marcador. Anotaba Mayte Mateo no minuto 32 o 2-3.
A igualada, que sería o resultado definitivo, anotouna Ceci para as galegas no 34 (3-3).
FICHA TÉCNICA
3) ENCE MARÍN FUTSAL: Silvia Aguete; Ceci, Jessi, Lara Balseiro e Bea Mateos – quinteto inicial -. Tamén xogaron: Ale de Paz, Pau, Sara Santos, María León e Adri.
3) STV ROLDÁN: Almudena; Consuelo, Toñi, Andrea Marín e Marian – quinteto inicial -. Tamén xogaron: Alba Gandía, Laura Fernández, Mayte Mateo, Ángela Górriz, Carmen, Noelia Montoro, Lola e Ana Rubio (porteira suplente).
GOLES: 1-0, min. 5 Sara Santos; 1-1, min. 11 Andrea Marín; 2-1, min. 13 Ceci (penalti); 2-2, min. 13 Ángela Górriz; 2-3, min. 32 Mayte Mateo; 3-3, min. 34 Ceci
EQUIPO ARBITRAL: Colexiados, Amor Vizoso e Dans Rey. Amosaron cartón amarelo a Bea Mateos nas filas do ENCE Marín Futsal e amonestaron con cartón vermello a Toñi no STV Roldán.
INCIDENCIAS: Partido correspondente á 4ª xornada da Primeira División da RFEF do Fútbol Sala Femenino disputado no pavillón da Raña en Marín.
