A Ciudad Deportiva Dani Jarque acollía o cruce entre RCD Espanyol e Dépor ABANCA, un partido no que as galegas querían volver asaltar o liderato, aínda que fose por unhas horas, e que rematou con empate a 2 goles.
Come on Espanyol! ⚪️🔵#RCDEFem pic.twitter.com/hT6JKwOu3c
— RCD Espanyol de Barcelona (@RCDEspanyol_EN) December 4, 2022
Aínda que estaba a controlar o partido no seu arranque, o cruce púsoxelle costa arriba ás fútbolistas que adestra Irene Ferreras cando no minuto 8 de partido o conxunto local se adiantaba no marcador cun gol de Baudet. O golazo da capitá perica fixo que o Dépor ABANCA tivese que apretar máis.
Seguiron a controlar e dominar as galegas pero sen chegar con claridade á porta rival. Foi Carlota Suárez a primeira en rematar a porta, aínda que o seu disparo se iría alto. Andrea Crespo sacaba uns minutos máis tarde un balón sobre a liña de gol logo dun remate á reviravolta de Laura Fernández a pase de Ainhoa Marín.
O gol do primeiro empate deportivista chegaría no minuto 28 nas botas de Paula G. que lanza un centro que bota no área e acaba colándose na meta rival. Co 1-1 se chegaría ao descanso do partido.
Media hora para o final do #RCDEspanyolDéporABANCA na Cidade Deportiva Dani Jarque (📺 Youtube: #EspanyolMedia)! pic.twitter.com/6ezoqSLDyV
— RC Deportivo (@RCDeportivo) December 4, 2022
No arranque do segundo acto o Dépor ABANCA contou cunha ocasión boísima froito dunha xogada de Laura que enviaba unha asistencia a Carlota Suárez. Unicamente había unha defensa entre a deportivista e a liña de gol pero abondou para que o tanto non se produxera. Seguiu a xogada e Carlota Suárez reclamou un posible penalti que a colexiada non asubiou.
Por moito que mandase o Dépor ABANCA no xogo, volverían a poñerse por diante as locais no minuto 66. Nun contragolpe o balón foi cara a Judit Pablos, sendo finalmente a futbolista do conxunto galego Samara, quen desgraciadamente enviase o esférico ao fondo das mallas da súa compañeira Lucía anotando en propia porta.
Un inxusto e doloroso gol que colocaba o marcador 2-1 pero que non minaba os ánimos nas deportivistas. O equipo que adestra Irene Ferreras non baixou os brazos nin perdeu o ánimo. Así, cinco minutos despois, no 71, chegaba o tanto do empate que asinaba Carlota Suárez. A futbolista leva varias xornadas inspirada cara á porta rival e colocaba o 2-2 no electrónico da Ciudad Deportiva Dani Jarque
O Dépor ABANCA buscou con ansia ese novo gol que fixera xustiza ao seu control do partido, pero os minutos pasaron e o gol da vitoria galega non chegou.
A próxima cita ligueira para o Dépor ABANCA en Primera Federación FutFem será o sábado 10 de decembro ás 12:00 en Abegondo ante o Córdoba CF. O equipo está citado por Irene Ferreras para traballar mañá, luns 5 de decembro ás 09:00 en Abegondo. O adestramento será de recuperación para as titulares ante o RCD Espanyol.
⏹️ Final del partit@RCDEFemeni 2-2 @RCDeportivo
💪 S’ha intentat fins al 93, però al final sumem un punt contra un rival de la zona alta #RCDEFem pic.twitter.com/SKoHTuMEi0— RCD Espanyol Femení (@RCDEFemeni) December 4, 2022
FICHA TÉCNICA
2) RCD ESPANYOL: Crespo, Caracas, Martínez, Guerra, Extremera, Chini, Baudet, Pablos, Marín, Adriana e Pixu (Karpova, min. 80).
2) RC DEPORTIVO ABANCA: Lucía, Cris Martínez, Inés Altamira, Raquel García, Samara, Paula G., Henar, Ainhoa Marín, Laura Fernández (Millene, min. 61), Charle (Sara Navarro, min. 77) e Carlota Suárez (Letti, min. 84).
GOLES: 1-0 Baudet (min. 8); 1-1 Paula G. (min. 28); Samara -pp- (min. 66); 2-2 Carlota Suárez (min. 71).
ÁRBITRA: González Vargas (c. andaluz). Amoestou a Millene (min. 74).
INCIDENCIAS: Partido correspondente á 11ª xornada da Primera Federación FutFem da RFEF disputado no campo principal da Cidade Deportiva Dani Jarque do RCD Espanyol de Barcelona.
