Empatou o Dépor ABANCA e tamén os equipos que lle siguen na táboa, Cacereño e Eibar. Así que as galegas, segundas detrás do Barcelona B (que non pode ascender), ocupa unha xornada máis o posto de acceso directo á elite do futfem estatal.
Non se moveu o marcador no Médano. Táboas nun partido sen goles que, de terse gañado, podería dar maior marxe e respiro ás coruñesas que adestra Irene Ferreras nesa loita por regresar á máxima categoría do fútbol feminino español.
Foi un partido con poucas ocasións por ambos os dous bandos e, polo tanto, non semella estraño o empate sen goles como resultado final. Sobre todo na primeira metade. Na segunda o Dépor ABANCA volcouse máis na área rival e fixo que a UDG Tenerife B se afanase na defensa da súa portaría. Millene, Aroa ou Ainhoa contaron con ocasións, pero non houbo goles.
FICHA TÉCNICA
0) UD GRANADILLA TENERIFE B: Nay Cáceres, Sara, Eulalia, Ainhoa (Aitiara, min. 59), Giovaninha, Porto (Ana Fernández, min. 14), Cindy, Encarni, Barbara (Estupiñán, min. 85), Collete e Isa Álvarez.
0) DÉPOR ABANCA: Yohana, Cris Martínez, Inés Altamira, Raquel García, Monteagudo (Samara, min. 64), Paula Gutiérrez, Henar, Ainhoa Marín, Laura Fernández, Charle (Aroa, min. 64) e Millene.
EQUIPO ARBITRAL: López Brustenga (colexio catalán). Amoestou ás futbolistas Henar (min. 23), Giovaninha (min. 36 e 76), Ainhoa Marín (min. 42), Isa Álvarez (min. 60), Inés Altamira (min. 76), Collete (min. 83), e a adestradora deportivista Irene Ferreras (min. 38).
INCIDENCIAS: Partido correspondente á 22ª xornada da Primera Federación Iberdrola da RFEF disputado no campo municipal de La Hoya del Pozo en El Médano (Santa Cruz de Tenerife).
