Os afeccionados de ambos conxuntos non faiaron á primeira cita do ano. O duelo galego entre o Conservas Orbe Porriño e o Mecalia Atlético Guardés na xornada dez da Liga Guerreras. O encargado de acoller o acontecemento foi o pavillón municipal do Porriño.
Seguidores dos equipos chegaron á cancha de xogo con tambores e facendo moito ruido. Entre as bancadas atopábanse autoridades galegas como o presidente da Federación Galega de balonmán, Bruno López, e o secretario xeral de deporte da Xunta de Galicia, José Ramón Lete Lasa.
A pista porriñense gardaba silencio para escoitar o himno galego. Mais esa pausa rapidamente transformouse nun xolda. Co asubío do conxunto arbitral, as locais comezan a circular o balón da man de Anthia Espiñeira, a ex xogadora do Guardés, e a máxima goleadora do seu equipo.
Por parte das rivais, Pauliana Burforn e Carmen Campos dirixían na pista as xogadoras de José Prades. Nos primeiros minutos, ningún dos clubs adiantábase no marcador: dous lanzamentos rematados en paradas.
A encargada de iniciar o electrónico neste derbi foi Anthia Espiñeira. Seguida polo 2-0 local de Alba Dapena. Ao pouco tempo, Sandra Marques e África Sempere empataban para o Guardés.
Nunha das accións do Porriño, Lorena Pérez, actual guardesa e ex xogadora local, roubou o balón. Os seus contraataques da man dela e os erros locais desde os sete metros facían estar por diante no electrónico ao seu equipo.
Ao Conservas non lle saían as cousas debido á boa defensa guardesa. Pero as tornas cambiaron no transcurso da primeira parte. A mobilidade de balón rematada na espectacular Anthia Espiñeira facía enfadar a Prades, o adestrador do equipo de A Garda. O cal fixo que pedira un tempo morto para reconducir o seu equipo.
A emoción e espectáculo estivo moi presente nos últimos 15 minutos da primeira parte. Ambos conxuntos estaban moi igualados e ningún conseguía poñerse cunha boa vantaxe no marcador. De súpeto, un gol de Nagore Sanz fai soñar pola vitoria ás locais.
As dudas do Guardés beneficiaron ás de Porriño que marcharon ó descanso con dous goles de vantaxe por diante: 14 a 12.
A intensidade continuaría nos vindeiros trinta minutos no duelo galego
Tralo paso polo vestiario ningún dos conxuntos baixou a garda. Saíron a por todas tanto o Porriño para conseguir alonxarse dos postos de descenso como o Guardés para seguír na senda das primeiras prazas da clasificación.
A pesar dos malos pases que propiciaban as locais, a protagonista principal foi a porteira local, Begoña Otero. As súas excepcionais paradas fixeron que o Guardés non acadara a maior vantaxa no partido.
Mais os problemas apareceron no cadro local. O empate a 17 descolocounas e o Guardés adiantouse grazas a África Sampere e a destacada por Isma Martínez, Carmen Campos, na entrevista concedida para As Nosas.
Souberon arranxar os erros pero, de novo, nos últimos cinco minutos, volveron a sentirse presionadas. Anthia Espiñeira intentaba que as locais non baixaran os brazos e seguisen presionando. Ela mesma tamén as acercaba no electrónico.
A dous minutos do final cada erro contaba máis que nunca. Un 23 a 24 no marcador facía que Isma Martínez pedira o derradeiro tempo morto para que o Porriño empatara o partido. O cambio de estratexia das rivais e unha decisiva Marisol Carratu baixo os paus convertéronse no pesadelo das locais. O que fixo que os puntos do duelo galego non quedaran no Porriño: 23 a 26.
A estrela do Guardés, Carmen Campos, apuntou para Radio Galega as súas percepcións: “Foi un partido moi difícil e moi bonito de ver. Elas tiñan que xogar a súa baza para saír dos puntos de abaixo pero é unha gozada acadar os dous puntos neste duelo”
Por parte do Porriño, Inés Hernández e o seu adestrador, Isma Martínez coincidiron no mesmo: “A decisiva nos últimos minutos foi Marisol Carratu“. Ademais de que os últimos minutos volvéronse a converter na presión das locais.
FICHA TÉCNICA:
CONSERVAS ORBE BM PORRIÑO: Ana Isabel Cerqueira, Ana Alonso, Barbara Joao Cerqueira, Alicia Campos, Marta da Silva, Inés Hernández, Fatima Ayelen, Soraia Vieira, Aitana Santomé, Andrea Dapena, Alba Dapena, Anthia Espiñeira, Sandra Fernández, Iasmin dos Santos, Nagore Saenz e Begoña Otero.
MECALIA ATLÉTICO GUARDÉS: Miriem Ezbida, África Sempere, Sandra Marques, Martina Cecilia Mazza, Carmen Campos, Lorena Pérez, Estefania Descalzo, Paulina Burforn, Patricia da Silva, Cristina Barbosa, Rosario Urban, Carla Gómez e Marisol Carratu.
ÁRBITROS: Luis Colmenero Guillén e Víctor Rollán.
MARCADOR CADA 5′: 2-2, 4-5, 6-8, 9-10, 9-11, 14-12, 15-14, 17-17, 18-21, 22-22, 23-24, 23-26.
