- A xogadora ilicitana Emma Piqueras potenciará as súas dotes na recepción no conxunto lucense do CV Arenal Emevé, no que sumará competencia ao posto de Líbero
O CV Arenal Emevé avanza na incorporación das últimas pezas do seu persoal e chegou a un acordo con Emma Piqueras para que forme parte das Loitadoras.
A xogadora nada en Elxe vivirá a súa primeira experiencia na Liga Iberdrola da man do conxunto lucense. Piqueras, de 19 anos, chega procedente do CV Valencia de Superliga 2 ao que chegou despois de dúas tempadas na Concentración Permanente da Selección Española en Soria.
A nova incorporación do CV Arenal Emevé, Emma Piqueras, destaca polas súas habilidades na recepción e sumará competencia ao posto de Líbero, no que o club xa contaba con Lida Figueira.
Piqueras reencontrarase no Municipal con dúas ex compañeiras no programa formativo da RFVEB como Alejandra Pérez e Jéssica Akamere, coas que compartiu equipo dúas tempadas.
Con Emma Piqueras, Saurín conta xa cunha ducia de xogadoras
As 12 xogadoras confirmadas para a próxima tempada no CV Arenal Emevé que adestrará Pascual Saurín para o curso 2023-24 son as seguintes ao sumárselle Piqueras:
- Receptoras: Lucía Prol, Carolina Camino, Alejandra Pérez, Olalla González e Zoi Mavrommatis.
- Opostas: –
- Colocadoras: Patricia Aranda e Ainara Burgo.
- Centrais: Karyna Malachias, Jéssica Akamere e Mame Diouf.
- Líberos: Lidia Figueira e Emma Piqueras.
