A receptora de CV Autos Cancela Zalaeta, Emma Ordóñez, vén de ser elixida como a MVP da terceira xornada na Superliga Feminina 2.
A xogadora do conxunto galego brillou no axustado choque diante do Fedes Ascensores La Laguna CV Aguere, sendo determinante no tie-break que xogou o CV Autos Cancela Zalaeta e que lle deu o triunfo no partido.
Emma Ordóñez foi a máxima anotadora do equipo que prepara o técnico Jorge Barrero, cun total de 27 puntos á súa conta, con dúas saques e un 52% de eficacia en remate.
Na lista de mellores xogadoras da terceira xornada, ademais de Emma Ordóñez, o outro rol de receptora desempéñao a internacional Cristina Llorens de FC Cartaxena Algar Surmenor, mentres que o posto de colocadora é para Jusidey Frometa de Aptur CV Benidorm. Os roles de centrais ocúpanos Martina Valiño de Mairena Vóley Club e Miriam Ariza de CV Esplugues, nun sete ideal que completan Paula Lorenzana (RCG Covadonga), por segunda semana consecutiva, no posto de líbero e a oposta de CV Torrexón Alba Ortiz, segundo informa a RFEVB
