A pivote Emilly Micaela Marcondes (São Paulo, 1994) será xogadora do Pescados Rubén Burela FS. A internacional brasileira chegou a un acordo coa Familia Laranxa para as dúas próximas tempadas; chega procedente do equipo revelación de 2020-21, Torreblanca Melilla, sendo a súa máxima goleadora e a terceira máxima artilleira da liga, con 26 dianas.
“A directiva chamoume a finais de tempada, cando os clubs xa buscaban novas xogadoras, e mostreime moi interesada pola súa proposta. Para min Burela é un gran equipo que non só suma títulos senón tamén historia. Espero adaptarme rapidamente ao bloque para axudar as miñas compañeiras; é moi importante a sintonía do grupo” explicaba a pivote zurda.
Emilly, nova fichaxe do Pescados Rubén: “Para min é un soño poder chegar a formar parte dun equipo campión de todo. Farei todo o posible para poder sumar como grupo esta tempada”
Tras catro campañas en Telêmaco- Borba e dúas en Unifor, Emilly deu o salto ao futsal español a tempada pasada desde o São Jose. “Defender esta camiseta para min é unha honra. Para min é un soño desde antes de saír do Brasil, poder chegar a formar parte dun equipo campión de todo. Farei todo o posible para poder sumar como grupo esta tempada”, confesaba a xogadora, de 26 anos.
⚽ 2️⃣6️⃣ goles en esta última temporada!!
Y ahora los ́ en las #GuerreirasLaranxas!!
¡¡ @EmillyMarcondes!!
— Pescados Rubén Burela FS (@burelafs) July 31, 2021
Emilly, a terceira fichaxe laranxa
Emilly é a terceira novidade das Guerreiras Laranxas, despois das internacionais españolas Irene Samper, desde AD Alcorcón, Elenita, procedente de Universidad de Alicante.
A futbolista brasileira suma a duodécima peza do proxecto das campioas, con Ale de Paz, Leti, Jenny, Cilene, Cami, Dany, Elena Aragón, Sandra Buzón e Jozi.
