As loitadoras teñen unha nova xogadora entre as súas filas. Trátase de Athanasia Liagki, unha oposta de 25 anos que chega ao CV Arenal Emevé coa intención de crecer na súa carreira disputando a Liga Iberdrola de voleibol.
A oposta chega procedente do club grego AEK Athens, que disputaba a competición na máxima categoría de Grecia. Segundo informa a web grega volleyland.gr, a xogadora chegaría á Liga española ante a interrupción do campionato grego e as dúbidas sobre a súa reanudación.
Liagki chega ao Emevé con máis dunha década de experiencia
Liagki, con 12 anos de experiencia neste deporte, formou parte dos mellores equipos do seu país de procedencia e tamén da competición francesa, onde estivo durante a tempada anterior, xogando para o VC Lafèrois.
