O CV Arenal Emevé xa está un paso máis preto da permanencia. Na súa visita ao segundo clasificado, o Avarca de Menorca, as loitadoras foron capaces de levar o partido ata a morte súbita para acabar gañando (2-3).
“Sumamos dous puntitos moi importantes en Menorca. Unha lástima que os nosos rivais sumaran tres e nos recortan un na clasificación, aínda que cada vez quedan menos xornadas”, reflexionaba José Valle á fin do encontro.
José Valle adestradordo CV Arenal Emevé: “Unha lástima que os nosos rivais sumaran tres e nos recortan un na clasificación”
As lucenses deberán agardar ata a próxima fin de semana, cando “xogamos un partido importantísimo” para ver se “nos descolgamos un pouco”, sinala o adestrador do Emevé.
Tras vencer ás segundas na táboa da Liga Ibedrola de Voleibol, as loitadoras seguen décimas, con 16 puntos, a cinco do Madrid Chamberí e a seis do Algar Surmenor.
O Emevé precisou do tie break para afianzar a vitoria
O partido presentábase complicado para as loitadoras, que se enfrontaban a un rival que ata esta xornada só acumulaba catro derrotas en 19 partidos.
No primeiro set as galegas saíron fortes e confiantes á pista. Con acerto desde o saque e unha forte defensa, os primeiros instantes do partido estiveron dominados polo CV Arenal Emevé. O encontro era un vaivén de puntos, pero as loitadoras mantíñanse por diante, logrando asinar o primeiro tempo ao seu favor.
Na segunda manga o nivel equilibrouse, cun Avarca Menorca efectivo desde o saque e deixando sen opcións de puntuar ás galegas. Así chegaron ás tablas ao marcador, nun encontro que estaba completemente aberto.
Neste intercambio de poder foi o turno de tomar o mando para o CV Arenal Emevé no terceiro set. “Volvemos mandar no marcador cambiando e sacando ben, defendendo ben e con poucos erros. Sempre por diante”, sinalaba o técnico galego tras o partido.
Pero na cuarta manga o conxunto de José Valle saíu desconcentrado á pista. O adestrador das galegas moveu ás súas xogadoras, cambiando a oposta e receptora e acariñando a remontada, mentres que as locais aproveitábanse dos erros galegos. Porén, foi necesario un tie break para decidir ao vencedor.
➋➋ ➋➎ ➋➊ ➋➎
é ➋➎ ➊➏ ➋➎ ➊➐-!!!
# !!!
pic.twitter.com/KOtwEa0jWj— cvemevelugo (@cvemevelugo) February 13, 2021
José Valle adestradordo CV Arenal Emevé: “No quinto set elas empezaron ben, na liña na que estaban apretando co saque e nós fumos a remolque”
“No quinto set elas empezaron ben, na liña na que estaban apretando co saque e nós fumos a remolque, de dous puntos abaixo e cambiamos 8-5 por abaixo”, explica Valle.
As loitadoras do CV Arenal Emevé apretaban e a súa presión viuse recompensada a partir do décimo parcial, cando conseguiron poñerse por diante. As loitadoras galegas non ían deixar escapar a oportunidade de afianzar a vitoria e na primeira bola de set e partido culminou o encontro (2-3).
Ver esta publicación en Instagram
D.E.P., Nemesio Iglesias
Na súa conta de Instagram o equipo lucense adicaba a “vitoria e os dous puntos de ouro á memoria de Nemesio Iglesias”. O finado, segundo explican nesa publicación no CV Emevé Lugo era “sogro do noso compañeiro do RRSS TREAM Antonio S. Magariños e avó da nosa xogadora Iria Sánchez. A eles, as/os fillos/as Eugenia, Elena, Enma e José Manuel, e ao resto da familia queremos facer chegar o noso máis sentido pésame e o noso sincero agarimo. Ánimo!! Vai por Nemesio!!”.
FICHA TÉCNICA
2) AVARCA DE MENORCA: Verónica Martínez, María Barrasa, Carlota García, Maira Westergaard, Sara Folgueira e Louise Sansó – sexteto inicial -. Tamén xogaron: María Antonia Gomila (líbero), Olga Huguet Cristina Llorens e María Assumpta Jofre.
3) CV ARENAL EMEVÉ: Audrey Alford, Inma Lavado, Lucía Prol, Inés Rivas, Athanasia Liagki, Marta Otero – sexteto inicial -. Tamén xogaron: Carolina Camino, Sara Urrea, Carla Jiménez e Cassandra Bujan (líbero).
SETS: 22/25; 25/16; 21/25; 25/17 e 13/15
ÁRBITROS: A. Keim e X. Fernández Llano.
INCIDENCIAS: Partido correspondente á 20ª xornada da Liga Iberdrola de voleibol no pavillón municipal de Ciutadella. Aforo limitado a 200 persoas.
Derrota de @CVCIUTADELLA a casa
Ha perdut 2⃣-3⃣ davant Arenal Emevé
L’equip es manté 2⃣ a la classificació pic.twitter.com/zqFEL0bJdo
— Esports IB3 (@EsportsIB3) February 13, 2021
