A ciclista Elisa Longo Borghini ocupa a terceira posición no ránking mundial da UCI, ademais, a deportista italiana foi a terceira na proba de ciclismo en ruta dos Xogos Olímpicos de Tokyo 2020. Con esta folla de presentación é lóxico que Elisa Longo esté dentro das grandes favoritas para facer cousas grandes sobre a bicicleta na 7ª edición da CERATIZIT Challenge by La Vuelta.
A proba terá lugar en terras galegas do 2 ao 5 de setembro. Antes de viaxar a Galicia, a campioa italiana fala das súas ambicións.
Elisa, que recordo tes da túa última participación na CERATIZIT Challenge by La Vuelta, o ano pasado?
Elisa Longo: Encantoume. Foi unha experiencia preciosa. Era a última carreira da tempada e estivo fenomenal. A última etapa foi divertida porque Giorgia (Bronzini), a nosa directora deportiva, díxonos que tiñamos que disputar a etapa coma se fose unha carreira por puntos (en pista), pero en formato máis longo. Cando lle dixen, « perdoa…pero eu non son rápida ao sprint, como o fago? », contestoume : «como nunha carreira por puntos, tes que ir unha volta por diante». E así foi como acabei na fuga durante a maioría da etapa.
Foi unha experiencia tecnicamente moi interesante pero sobre todo unha fin de semana para o recordo, porque era a miña primeira carreira coa camisola tricolor (de campioa nacional italiana). Foi moi emotivo.
Cando gañaches a Strade Bianche Donne en 2017, chamouche a atención a riqueza do entorno histórico e cultural no que se desenvolvía a carreira: a cidade de Siena. Sentiches algo parecido en Madrid?
Elisa Longo: Totalmente. Corremos no centro de Madrid onde se respira historia e cultura. De feito, aproveitei a ocasión para visitar algúns museos e palacios. Foi increible porque normalmente non temos tempo para facer estas cosas pero, como terminaba a tempada, aproveitamos.
Que che pareceu a exposición mediática da proba?
Elisa Longo: É realmente importante contar con eventos como a CERATIZIT Challenge by La Vuelta. O feito de que este ano se deu un paso adiante para ampliar a catro o número de etapas, con variedade de percorrido, agradécese moito. O novo formato é equilibrado con etapas de montaña, chairas e unha cronoescalada. Gústame.
Mesmo, de fronte ao futuro, gustaríame que houbese máis etapas para que haxa máis corredoras interesadas en participar. En calquera caso, o éxito xa está asegurado.
Como se presenta o teu final de tempada despois da medalla de bronce en Tokio?
Elisa Longo: Prepareime ben para o final de tempada. Chego con ambición á CERATIZIT Challenge by La Vuelta na que espero poder obter un bo resultado.
Despois dos Xogos Olímpicos pasei un mes de agosto tranquilo pero adestrei moito, sobre todo en montaña. Estou preparada para os Campionatos de Europa e para o mundial que virá despois.
CONSULTA O LIBRO DE RUTA CERATIZIT CHALLENGE BY LA VUELTA 21
- As etapas
- Os equipos
- Os itinerarios
Galicia convértese en escenario da sétima edición da CERATIZIT Challenge by La Vuelta
