- O Pavillón Municipal de Deportes de Lugo está listo para acoller desde mañá venres 11 de febreiro unha espectacular e igualada XLVII Copa da Raíña Iberdrola.
A nova edición do torneo do KO pon en xogo o primeiro título do curso 2022 na máxima categoría feminina tal e como explican desde a RFEVB. Os seis mellores conxuntos da primeira volta do torneo regular veranse as caras en Lugo, cunha cidade envorcada co torneo e que será sede por vez primeira da Copa da Raíña Iberdrola.
Os seis mellores conxuntos da primeira volta da liga Iberdrola competirán nas instalacións do Pavillón Municipal de Deportes de Lugo en tres intensos días por suceder no palmarés a Feel Volley Alcobendas, Sanaya Libby´ s La Laguna, DSV CV Sant Cugat, OSACC Haro Rioja Vóley xunto ao anfitrión CV Arenal Emevé e os cabezas de serie CV Gran Canaria Urbaser e Kiele Socuéllamos loitarán por inscribir o seu nome nos anais do torneo.
Protocolo de prevención da transmisión da COVID-19
A XLVII Copa de SM A Raíña volverá ser un evento especial, marcado como na edición anterior polas circunstancias derivadas da pandemia do COVID-19 que obriga a gardar uns protocolos especiais de seguridade, establecidos polas autoridades sanitarias en función da situación epidemiolóxica. Para ese efecto será obrigatoria a presentación do pasaporte COVID-19 para poder acceder ao recinto, así como tamén o uso de máscara.
O aforo máximo establecido será do 75% da capacidade do Pavillón Municipal despois da última revisión dos protocolos sanitarios a principios de semana.
O partido inaugural da Copa da Raíña xógano as líderes da Liga Iberdrola
A XLVII Copa da Raíña Iberdrola ábrena Sanaya Libby´ s La Laguna e DSV CV Sant Cugat. As tinerfeñas, un dos dous participantes que xa sabe o que é levantar o trofeo despois de conquistalo en Leganés en 2017, queren estender á competición do KO o seu gran momento de forma, que lles levou a enlazar máis dunha volta completa de triunfos na liga Iberdrola (13 vitorias consecutivas) e coa súa presenza asegurada nas semifinais da competición continental.
O conxunto que adestra Juan Diego García atopou a súa velocidade de cruceiro coa acertada distribución de Patricia Aranda, a solvencia en recepción e defensa de Patricia Llabrés, Lisa Jean Pierre e Lisbet Arredondo, que se unen aos puntos de Belly Nsunguimina como oposta nas últimas xornadas e o muro formado por Jessica Wagner e Jenelle Jordan no centro da rede.
DSV CV Sant Cugat debuta na fase final da Copa da Raíña Iberdrola despois dun sensacional inicio de tempada no que chego a ostentar o liderado da competición. O conxunto de Rafael Ruiz volveu a plasmar sobre a pista o seu traballo colectivo, herdeiro da súa filosofía colectiva, no que destacan o labor da colocadora Anna Newsome, as internacionais Aina Berbel e Raquel Brun, xunto ao traballo na rede de Camila Maldonado e a solvencia en recepción de Marta García.
Os precedentes da tempada sitúan igualdade de triunfos, sendo DSV CV Sant Cugat o último conxunto que puido dobregar a Sanaya Libby´ s La Laguna na competición nacional na cuarta xornada con triunfo pola vía rápida, devolto hai apenas dúas semanas en terras tinerfeñas, lembran desde a RFEVB.
O encontro que abrirá a XLVI Copa de SM a Raíña terá lugar o venres ás 17:00 horas e poderá seguirse por streaming en RTVE Play, +TDP e na canle de Youtube da RFEVB.
O debut das anfitroas, CV Arenal Emevé será co OSACC Haro Rioja Vóley
As anfitrioas da XLVII Copa da Raíña Iberdrola, as xogadoras do CV Arenal Emevé, queren ser as protagonistas da sorpresa do torneo. O conxunto lucense vivirá a súa primeira participación na competición do KO baixo o apoio da súa afección e farao sen presión e coa ilusión polas nubes, buscando acceder ás semifinais diante un OSACC Haro Rioja Vóley que quere reeditar a xesta de hai unha década onde logrou o título en Salou.
O conxunto que prepara José Valle lidera a rebelión da mocidade na Liga Iberdrola, con mozas xogadoras con moito protagonismo na competición como Carolina Camiño, Jimena Fernández ou Inmaculada Lavado, que xa tiveron participación dentro da selección feminina. A achega das arxentinas Mariana Capovilla, Yael Castiglione e a recentemente chegada Massiel Matogueiras completan un conxunto disposto a todo, e coa moral polas nubes tras ter contra as cordas ao campión ligueiro na última xornada.
OSACC Haro Rioja Vóley busca axustar o seu rendemento e consolidar o seu xogo tras cultivar unha vitoria no últimos cinco encontros e saír dos postos de play-off. O conxunto jarrero chega á cita copeira baixo o mando de Esther López, que acumula unha decena de títulos entre a súa carreira como xogadora e técnico.
As rioxanas buscarán aproveitar a súa experiencia co liderado de Gómez e Fernanda Gritzbach, a achega ofensiva de Ane Cengotitabengoa e Jessica Soares e o traballo de Clara Barceló para volver ás semifinais da Copa da Raíña Iberdrola e tomarse o desquite do único precedente da tempada, no que As Loitadoras venceron pola vía rápida ao conxunto jarrero.
O segundo encontro de cuartos de final disputarase o venres ás 19 horas no que as anfitrioas tentarán comezar o seu soño copeiro mentres OSACC Haro Rioja Vóley iniciarála procura do seu terceiro título de Copa, tras os obtidos en 2012 e 2013.
CV Gran Canaria Urbaser e Kiele Socuéllamos acceden directamente ás semifinais
Os dous mellores conxuntos da primeira volta lograron o privilexio de comezar a XLVII Copa de SM a Raíña Iberdrola como cabezas de serie e arrincar a competición desde semifinais.
CV Gran Canaria Urbaser finalizou a primeira volta como líder invicto grazas a un sensacional traballo ao longo dos once encontros e a súa capacidade para pechar os desempates, liquidando con triunfo os seis partidos que chegaron ao set definitivo. O bloque de Pascual Saurín quere sumar o seu primeiro título e completar o seu palmarés co único título que falta nas súas vitrinas.
As grancanarias mediranse na primeira semifinal do sábado ás 16:30 horas co vencedor do Sanaya Libbys La Laguna diante DSV CV Sant Cugat Kiele Socuéllamos afronta a súa segunda presenza no torneo do KO coa vista posta en conseguir o seu primeiro título.
As manchegas chegan á Copa da Raíña cun sólido conxunto que colleu ritmo de competición tras os choque aprazados por COVID-19, ao superar este martes no tiebreak a Avarca de Menorca. As pupilas de Chema Rodríguez afrontan o torneo cun sólido xogo liderado polos puntos de Amelia Porteiro, as accións de Renata Benedito, Attilah Agüero e a distribución de Karina Suligoy.
O conxunto socuellamino enfrontarase co vencedor do choque entre OSACC Haro Rioja Vóley e CV Arenal Emevé na segunda semifinal do sábado ás 19:30 horas. Os dous vencedores das semifinais enfrontaranse o domingo ás 12:30 horas na gran final da XLVII Copa de SM a Raíña Iberdrola, que poderá seguirse en directo por Teledeporte.
Todos os encontros da competición poderán seguirse en directo por Streaming, a través de +TDP a sección de streaming de Teledeporte, a aplicación do ente público, RTVE Play e a través da canle de Youtube da RFEVB e en redes sociais co cancelo #CopaReinaVB.
