A xogadora galega Elena Vázquez, futbolista do Orzán SD e da Selección Galega Sub-17, é unha das 24 xogadoras convocadas pola Selección Española Sub-17 feminina de fútbol para a disputa do primeiro amistoso do ano para o combinado estatal.
“O elenco que prepara Kenio Gonzalo concentrarase desde hoxe ata o próximo día 12 de xaneiro. A Selección Española enfrontarase a Alemania o próximo xoves día 12 a partir das 11 horas nas instalacións do Marbella Football Center”, segundo informa a Real Federación Galega de Fútbol.
Na Selección Galega Sub-17, Elena Vázquez é unha das xogadoras que podemos considerar como ‘fixas’. Agora, a central do Orzán SD recibe a chamada da Selección Española. Elena Vázquez disputará a última fin de semana do mes de febreiro a Fase Ouro do Campionato de España de Seleccións Autonómicas tras rubricar a primeira praza na primeira fase que tivo lugar en Asturias.
