Nas instalacións de Macron Store Coruña, foi presentada polo conxunto do CRAT Residencia Rialta Elena Martínez, xogadora que será a última incorporación do equipo de Liga Iberdrola antes do comezo de tempada 2020 – 2021, á espera de que a evolución da situación despexe ou non o panorama internacional.
A pesar de que chegou tarde ao mundo do rugby, as súas calidades innatas servíronlle para adaptarse con celeridade a unha disciplina na que alcanzou o seu mellor nivel a pasada tempada, converténdose nun referente na dianteira do conxunto madrileño de Sanse Scrum, no que desenvolveu toda a súa carreira.
Elena Martínez ten 25 anos e xoga principalmente de 3, aínda que tamén sente cómoda na segunda liña. Este ano desprazouse por motivos laborais a Galicia e é, do mesmo xeito que o resto de incorporacións do equipo esta tempada, unha xogadora que esperemos ver crecer no club máis aló desta incerta campaña.
