Elena González de Pablos (Segovia, 01/01/1999) únese á lista de xogadoras que veñen de renovar a súa relación co Poio Pescamar. Ao igual que Ale de Paz, Carolina Bravo e o técnico Luis López-Tulla , a futbolista segoviana renova por dous anos coa entidade vermella.
A porteira, titular con España no primeiro Mundial oficial da historia do fútbol sala feminino, é unha das capitás do vestiario do Poio Pescamar. Co combinado estatal colgouse do pescozo o bronce no Mundial.
Elena González acumula catro tempadas militando no Poio Pescamar. Con estas dúas faría media ducia de anos defendendo a camiseta conserveira.
Ver esta publicación en Instagram
Segundo informan desde o Poio Pescamar, Elena González é a segunda cancerbeira que máis ten defendido a portaría vermella, por detrás dun mito do equipo galego como Silvia Aguete.
Elena González, na tempada 2025 / 2026 ten sumado estas cifras:
- Convocatorias: 36
- Partidos xogados: 32
- Titularidades: 29
- Goles recibidos: 62
- Goles marcados: 1
- Asistencias: 0
- Tarxetas amarelas: 2
- Tarxetas vermellas: 0
En total, desde que chegou ao Poio Pescamar no 2022, acumula:
- Convocatorias: 149
- Partidos xogados: 109
- Titularidades: 99
- Goles recibidos: 187
- Goles marcados: 2
- Asistencias: 3
- Tarxetas amarelas: 6
- Tarxetas vermellas: 0
Tamén hai que poñer en valor o feito de que Elena estivo nominada ao premio de mellor porteira mundo del 2025 polo portal especialista Futsal Planet.
Luis López-Tulla renova como adestrador do Poio Pescamar ata 2028
