- As Guerreiras están listas para xogar o Mundial 2025 de balonmán e nas súas filas hai dúas galegas: Alicia Fernández e Elba Álvarez.
Entre as xogadoras elixidas polo seleccionador estatal, Ambros Martín, para disputar a cita mundialista, hai representación galega: Alicia Fernández, militante do KGHM Zaglebie Lubin de Polonia, con ampla experiencia na elite do balonmán; e Elba Álvarez, que actualmente forma parte das filas do Super Amara Bera Bera, e que xa se proclamou campioa mundial universitaria coa Selección Española.
Ver esta publicación en Instagram
Ambas contaban coa confianza do seleccionador e foron chamadas ás filas do combinado estatal para aportar desde o posto de centrais.
No equipo estarán acompañadas por unha formación de luxo que reúne aos mellores talentos do país:
- Nicole Wiggins e Lucía Prades (ambas do Super Amara Bera Bera) e Nicole Morales (Club Balonmano Elche) na portería.
- Paula Marcos (Bistrița-Năsăud) e Maddie Bengoetxea (Elda Prestigio) no lateral dereito.
- Ester Somaza (Super Amara Bera Bera), Danila So Delgado (CS Gloria 2018 Bistrita) e Carmen Arroyo (Super Amara Bera Bera) no lateral esquerdo.
- Anne Erauskin (Super Amara Bera Bera) e Maitane Etxeberria (as dñuas do Super Amara Bera Bera) no extremo diestro
- Lisa Opedal (AtticGo Elche), Jennifer Gutiérrez (CS Gloria 2018 Bistrita) e Ona Vegué (HSG Blomberg-Lippe) no extremo esquerdo.
- E as irmás Lindye (Super Amara Bera Bera) e Lisa Tchaptchet (Odense Handbold) e Kaba Gassama (CS Gloria 2018 Bistrita) como pivotes.
Moitas delas son compañeiras de equipo de Elba Álvarez no Super Amara Bera Bera, unha condición (a de reunir a un gran números de xogadoras da mesma formación) que pode resultar clave para o cadro estatal. A experiencia compartida nos adestramentos e nos partidos de club pode axudar a que o xogo se desenvolva de maneira máis fluída e coordinada, facilitando a comunicación e a comprensión entre as xogadoras durante o parón internacional.
Alicia Fernández
Nacida en Valdoviño o 21 de decembro de 1992, Alicia Fernández é hoxe un dos grandes nomes do balonmán español e unha fixa das Guerreras. A súa ampla experiencia na elite non é casualidade, e chega ao Mundial de Alemaña e Países Baixos coa intención de aportar, tanto na cancha coma no vestiario, a súa mestura de talento, traballo e experiencia nun equipo composto por xogadoras moi novas e en pleno proceso de renovación.
Fernández viviu momentos de ledicia plena na súa carreira; de feito, chegou a colgar a medalla de prata no Mundial de Xapón. Pero tamén coñece a cara máis amarga do deporte de alto nivel: nos Xogos de París atravesou un momento delicado, pois acababa de recuperarse dunha recente lesión, o que lle impediu ter demasiada incidencia no xogo das Guerreras, unha situación frustrante para unha xogadora do seu nivel, que perdeu a oportunidade de demostrar a súa destreza nunha cita de tanta relevancia. Ademais, os resultados desesperanzadores do equipo tampouco acompañaban.
Co alcume que lle puxo o exseleccionador estatal Juan Oliver: “Alicia de las Maravillas”, Alicia Fernández chega ao Mundial como xogadora do Zaglebie Lubin polaco, despois de deixar o Rapid de Romanía, para sumar coñecemento e experiencia a un equipo que loitará por acadar unha boa posición no torneo internacional.
Ver esta publicación en Instagram
Elba Álvarez
Nacida en Vigo o 26 de maio de 2001, Elba Álvarez forma parte da plantilla actual do Bera Bera de San Sebastián, ademais de ser integrante da Selección Española.
Comezou a xogar no Zamora a unha idade moinova idade, despois de deixar o seu Vigo natal. Formou parte tamén do Aula Valladolid, onde permaneceu ata a tempada 23/24, cando foi fichada polo Super Amara Bera Bera, o seu equipo actual, e co que gañou a Supercopa Ibérica.
Pese á súa xuventude (só ten 24 anos), Elba Álvarez súmase a este torneo internacional como unha central de confianza para o equipo, posición que compartirá coa outra galega do equipo, Alicia Fernández.
A viguesa está chamada a ser unha das novas promesas encargadas de devolver a ilusión e a maxia ás Guerreras, así como a tratar de conquistar títulos de relevancia que devolvan ao balonmán estatal á elite deste deporte.
Ver esta publicación en Instagram
