- A Estrada acollerá o 13 de decembro ‘Elas seguen na cancha’, unha cita que combina baloncesto e reflexión sobre como apoiar ás mozas deportistas durante e a partir da súa etapa cadete.
- A iniciativa conta coa colaboración do Concello de A Estrada e o clube A Estrada Basket.
A Federación Galega de Baloncesto (FEGABA) presenta ‘Elas seguen na cancha’, unha xornada singular que o vindeiro 13 de decembro abordará un dos retos máis importantes do basket galego: manter e reforzar a participación das mozas deportistas na práctica federada durante e a partir da súa etapa cadete.
A cita, que terá lugar no Pavillón Manuel Coto Ferreiro de A Estrada, combinará a competición oficial con un espazo de diálogo e reflexión.
Ver esta publicación en Instagram
Nove clubs da delegación da Federación Galega de Baloncesto (FEGABA) en Santiago participarán nunha xornada que busca non só visibilizar o talento das xogadoras, senón tamén atopar claves para apoiar a súa continuidade no deporte federado.
Baloncesto e debate: unha programación completa
A xornada arrincará ás 09:45 horas con partidos oficiais das Ligas Federación Galega de Baloncesto (FEGABA) nas categorías Júnior, Cadete e Infantil. Ás 11:30 horas, o balón dará paso ás palabras cunha mesa redonda baixo o título ‘Elas seguen na cancha’, que se prolongará ata as 12:30 horas. Posteriormente, retomarase a competición ata as 14:30 horas.
Participarán na pista os clubs:
- Baloncesto Galdea
- CD Galogrín
- CB Basketdeza
- Compañía de María Santiago
- A Estrada Basket
- Obradoiro CAB
- AD Básquet Ames
- FEDESA
- ADB Fontiñas
Os seus partidos, así como a mesa redonda, serán de acceso libre para todas aquelas persoas que desexen participar.
Esta iniciativa é posible grazas ao firme compromiso do Concello de A Estrada e o club A Estrada Basket, que ceden as instalacións e apoian activamente o desenvolvemento do baloncesto feminino na zona.
Voces que inspiran
A mesa redonda, baixo o título ‘Elas seguen na cancha’, reunirá perspectivas diversas. Moderada pola xornalista Cristina Guillén, contará coa participación de:
- IIris Díaz, árbitra FEB e membro do Comité Galego de Árbitros
- Susana García Senra, vicepresidenta FEGABA e ex xogadora internacional
- Carmen Arca, presidenta do CB San Pelayo
- Estela Pintos, xogadora de ADB Fontiñas
- Paula Lamas, xogadora de AD Manuel Peleteiro
- Andrea Rodríguez, xogadora de AD Manuel Peleteiro
Un compromiso colectivo co basket feminino
Desde a Federación Galega (FEGABA) destacan a importancia desta iniciativa como un exercicio de escoita activa e traballo conxunto. “Esta xornada celebra o talento das nosas xogadoras e vai máis aló do deporte. Queremos escoitalas, comprendelas e apoialas para que sigan facendo o que lles apaixona”, sinala Begoña del Río, delegada FEGABA en Santiago.
Begoña del Río, delegada FEGABA en Santiago: “Esta xornada celebra o talento das nosas xogadoras e vai máis aló do deporte. Queremos escoitalas, comprendelas e apoialas para que sigan facendo o que lles apaixona”
A Federación Galega (FEGABA) convida a clubs, familias e todas as persoas vinculadas ao baloncesto a sumarse a esta xornada que celebra o presente e constrúe o futuro do baloncesto feminino galego.
