Logo dunha viaxe que se viu trastocada pola cancelación do voo entre Istambul e Leópolis, a expedición do Atlético Guardés atópase xa en Ucraína para disputar mañá, domingo 14 de febreiro, a ida dos cuartos de final da EHF European Cup co HC Galychanka.
O cruce entre galegas e ucraínas está previsto para as 13:00 horas no horario do español. Arbitrarán o choque os colexiados Andrzej Chrzan e Michal Janas, de Polonia. E o partido poderá verse a través de Streaming por YouTube. A eliminatoria é o partido de ida e, aínda que é o debú das galegas este ano na competición, pertencente xa aos cruces de cuartos de final da EHF European Cup.
Case sen tempo de saborear a vitoria na Liga Guerreras colleitada contra o Zubileta Evolution-Bm. Zuazo, a expedición do Atlético Guardés subiuse ao avión no aeroporto de Vigo o pasado xoves á primeira hora da mañá. Tocou facer escala en Madrid e as seis da tarde pór rumbo a Istambul.
#EHFEuropeanCup 🏆 | ¡Día de imprevistos! El vuelo que debía llevarnos de Estambul a Lviv se ha visto cancelado por mal tiempo en el aeropuerto de destino.
La previsión es volar mañana ✈️ tras descansar de nuevo esta noche en la ciudad turca. ¡Ánimo a toda la expedición! 💙💪 pic.twitter.com/0c2y6KFgSR
— Club Bm. Atl. Guardés (@Atlguardes_ofic) February 12, 2021
Tras facer noite na capital turca, xogadoras, corpo técnico e demais membros da expedición guardesa tiveron un pequeno revés na tarde de onte, vernes 12 de febreiro. Xa no aeroporto turco recibiron a notificación de que o voo que debía levalos a Ucraína fora cancelado debido ao mal tempo no aeroporto de destino.
Finalmente, o avión puido saír esta mañá e as galegas puxeron un pé en Ucraína para ver in situ o temporal de frío e neve.
Protocolo de prevención da COVID-19
A viaxe, en tempos de COVID-19, está marcada pola realización de probas de detección de coronavirus. Superáronse con éxito antes de iniciar a viaxe e agora xa toca esperar aos resultados das feitas esta mañá nada máis chegar ao hotel para poder afrontar con garantías a viaxe de regreso. Tamén haberá que pasar unha proba de antígenos para confirmar a disputa do partido de mañá, domingo 14 de febreiro, contra o HC Galychanka (13:00 hora española).
Prades púidose levar a terras ucraínas a todas as xogadoras dispoñibles – unicamente quedouse na Guarda Martina Mazza -. Agora a prioridade é poder descansar, soltar pernas esta tarde cunha lixeira sesión de adestramento e completar a preparación do choque con vídeo para medirse a un equipo que vai líder da súa competición
O técnico das galegas, José Ignacio Prades considera ao HC Galychanka un rival “duro” tras comprobar que “na liga ucraína non ten rival; a primeira liña é moi efectiva, con lanzamento e buscando a un pivote moi móbil. Ademais son rápidas e moi ordenadas en defensa. Saben moi ben a que xogan e seguro que será un partido duro”, vaticina o técnico.
José Ignacio Prades, adestrador do Atlético Guardés di sobre o rival HC Galychanka: “Na liga ucraína non ten rival; a primeira liña é moi efectiva, con lanzamento e buscando a un pivote moi móbil. Ademais son rápidas e moi ordenadas en defensa. Saben moi ben a que xogan e seguro que será un partido duro”
Plantilla do HC Galychanka Lviv, rivan do Guardés na EHF European Cup
Esta eliminatoria corresponde aos cuartos de final da EHF European Cup terá o seu partido de volta o vindeiro domingo 21. O encontro disputarase en terras galegas, na Sangriña e ten fixada como hora de comezo ás 19:00 horas.
