A xestión deportiva con perspectiva de xénero ten premio. A EFF Rosalía, unha escola de fútbol feminino de Ourense, foi galardoada polo seu labor neste ámbito nos XII Premios Galicia á xestión deportiva que Agaxede entrega cada ano.
Este acto ten como obxectivo poñer en valor o traballo das entidades desde a xestión deportiva, tanto pública como privada a nivel galego e en distintas categorías.
O evento celebrouse en Afundación de Vigo nunha gala presidida polo alcalde da cidade olívica, Abel Caballero e o presidente de Agaxede, Eduardo Blanco, contando coa asistencia de relevantes deportistas, clubs e federacións.
Segundo informa a EFF Rosalía, a encargada de recoller o premio foi Yolanda Dieguez, tesoureira do club. Na súa intervención agradeceu o premio destacando que “habitualmente nos atopamos con pedras no camiño pero non van ser suficientes para facernos desistir na ‘misión’ de facer que na nosa terra, Ourense, exista un espazo para darlles a todas as nenas que queiran practicar o seu deporte favorito, o fútbol“.
Unha vez terminado o acto, o propio Abel Caballero mostrouse interesado na iniciativa do club ourensán, chegando a convidar ao club da EFF Rosalía a mudarse a Vigo.
A Federación Galega de Judo levouse o galardón á Mellor Xestión Deportiva de Galicia
Nesta gala dos premios de Agaxede, a entidade vencedora ao galardón á Mellor Xestión Deportiva de Galicia foi para a Federación Galega de Judo.
Laura Bajo foi a encargada de recoller o premio, en nome da organización.
A Federación Galega de Judo premio á Mellor Xestión Deportiva de Galicia 2021, pola Asociación Galega de Xestores Deportivos, AGAXEDE. LAURA BAJO, recolleu o premio en representación do Judo Galego. @galiciajudo @UFEDEGA_ @coruna_deportes @asnosasdeportes @rfejyda @daedo @AGAXEDE pic.twitter.com/Ry07ibm1iu
— GALICIAJUDO (@galiciajudo) March 8, 2022
