A EFF Rosalía, no seu afán de seguir promovendo valores e dando servizos e oportunidades ás súas xogadoras, vén de materializar un acordo coa empresa University Soccer, axencia de bolsas en universidades de Estados Unidos especializada en fútbol.
University Soccer xurdiu cun obxectivo claro: poder dar ás mozas a posibilidade de que gocen dunha gran experiencia a nivel futbolístico, académico e persoal, grazas a unha bolsa nalgunhas das mellores universidades de USA. O seu equipo, con moita experiencia no sector, traballará de forma personalizada con cada unha das futbolistas para situarlles na Universidade perfecta para o seu perfil académico e deportivo.
Serán elas quenes se poñan en contacto cos adestradores, resolvan todo o proceso administrativo e fagan a preparación previa con soporte de nutricionistas, psicólogos e preparadores físicos. No seu empeño por acompañar en todo o proceso ás xogadoras, a empresa continuará o seu seguimento durante a etapa universitaria.
🤝Presentamos acordo de colaboración con @UniversitySocc1
📝Todos os detalles na nosa web👇🏻
🔗https://t.co/wni9H9prVw👧🏻💙⚽️ #febreazul #ourensáefeminina @VeroBoquete @OurenFut @EnXogo_tvG2 @RgZonamixta @vozourense @FaroOurense @asnosasdeportes @EnXogo_tvG2 @futboleras_ff pic.twitter.com/hJTMSLjtK8
— EFF Rosalía (@EFF_Rosalia) September 1, 2020
É precisamente nos Estados Unidos onde xoga a súa embaixadora e futbolista compostelá, Vero Boquete. Un dos maiores referentes do fútbol feminino nacional e internacional, que afronta unha nova tempada con Utah Royals mentres continúa co seu labor de expansión do fútbol feminino con LaLiga, UEFA e FIFA.
David Rueda, socio fundador de University Soccer declarou no acto de presentación: “Estamos moi contentos polo acordo alcanzado coa EFF Rosalía, un club co que compartimos moitos valores e que demostra unha vez máis o compromiso coas súas xogadoras máis aló dos terreos de xogo”.
David Rueda, socio fundador de University Soccer: “Estamos moi contentos polo acordo alcanzado coa EFF Rosalía, un club co que compartimos moitos valores”
Rueda continua afirmando que, para eles, Para nós “será un pracer axudar a todas as nenas que o desexen, para que continúen academicamente, xogando ao fútbol no país líder mundial e vivindo fantásticas experiencias persoais que as posicionará da mellor maneira posible no futuro”.
O presidente do EFF Rosalía mostrouse moi orgulloso deste acordo
Mario Gómez, presidente da Escolas de Fútbol Feminino Rosalía pola súa banda incidiu en que: “Desde a creación da nosa Escola sempre puxemos especial fincapé en buscar o mellor para nosas xogadoras. Persoalmente para o meu como presidente o maior orgullo sería poder ter a máis de unha xogadora cunha carreira universitaria sacada en Estados Unidos e labrando o seu futuro profesional co fútbol como ferramenta. Ese sería o trofeo máis bonito nas nosas vitrinas”.
Mario Gómez, presidente da EFF Rosalía: Persoalmente para o meu como presidente o maior orgullo sería poder ter a máis de unha xogadora cunha carreira universitaria sacada en Estados Unidos e labrando o seu futuro profesional co fútbol como ferramenta”
Este acordo dá a posibilidade ás xogadoras da Escola de Fútbol Feminino Rosalía de acceder a unha bolsa nunha das 500 universidades de EEUU que teñen equipo de fútbol feminino nalgunha das ligas universitarias do país.
