O Dépor ABANCA tivo ocasións pero menos puntería que as valencianas e acabou perdendo 3-0 na cancha do Valencia CF. O encontro foi o retorno de Lady Andrade á titularidade e a porteira Esther Sullastres tamén voltou a pórse baixo paus na meta deportivista. Nalgúns momentos do partido a zaga branquiazul notou a ausencia de Ainoa Campo no centro da defensa con erros que se convertían en ocasións.
No arranque do choque o Dépor ABANCA foi o primeiro en contar cunha ocasión. Foi Gaby quen rematou desviado un saque desde o curruncho. No perdoaron a súa primeira chegada clara. Ellen Jansen abría o marcador anotando no minuto 13 de cabeza. A xogada foi protestada polas branquiazuis que reclamaban unha falta previa que, de sinalarse, anularía o tanto das de José Bargues. Pero de nada serviron as queixas.
As deportivistas insistiron nas saídas ao contragolpe e non mudaron o seu xogo pese a ter o marcador en contra. O vento foi case un xogador máis neste cruce disputado no Antonio Puchades de Paterna. O Valencia gozou dalgunhas ocasións precisamente polo empuxe do aire pero, sorprendentemente, o Dépor ABANCA non foi quen de aproveitalo cando o tivo ao seu favor no ataque.
Tivo o empate nas súas botas Stephannie Blanco. A xogadora costarricense pegoulle moi forte ao esférico desde a zona de tres cuartos de campo ao botar unha falta sobre Athenea del Castillo. O seu disparo, coma un obús, petou no longueiro da meta defendida por Enith e avisaba das intencións das galegas de non baixar os brazos e aspirar a todo.
Chegouse así á metade do partido coas chés vencendo pola mínima no Antonio Puchades (1-0 ) ás de Manu Sánchez. Tras o descanso, outra vez Gaby estivo a piques de acadar gol pero non aconteceu.
Logo dun partido bastante igualado en ocasións e chegadas, o Dépor ABANCA comezou a cometer algúns erros defensivos que estiveron acabaron custando caro á zaga deportivista. No minuto 62 Candela Andújar collía a espalda da defensa coruñesa e quedaba soa ante Esther Sullastres anotando o 2-0.
No 74 cae o terceiro do Valencia
O terceiro gol das branquinegras chegaría nas botas de Flor Bonsegundo no 74. A futbolista do Valencia CF sorteou á defensa visitante e bateu de tiro cruzado á gardamallas deportivista Sullastres. Diante do seu recurte á defensa e logo o seu potente disparo coa dereita, pouco podía facer a cancerbeira do conxunto galego. De feito, pese a recibir tres goles, Esther evitou varios tantos coas súas actuacións.
Ao final o Valencia CF quedou cos tres puntos nun partido no que a súa efectividade diante da meta deportivista foi determinante para o triunfo local.
Finalizado o encontro o técnico das chés, José Bargués, destacaba o crecemento do seu equipo na contención defensiva. “Demos un paso cara a diante ao ter a porta a cero. Manter a consistencia defensiva é fundamental. O Dépor tivo oportunidades como el balón ao longueiro. Nós precisamos máis paciencia cando tenemos o balón”, explicaba o adestrador local.
🎙 PROTAGONISTAS J•16 |#VCFfemDépor 3️⃣⚔0️⃣
🎮 Escucha las declaraciones completas de José Bargues en este enlace ➕ 📽 RESUMEN ⤵https://t.co/fs8nrr5wWV#AbrazaElFuturo 💥#AmuntVCFfem 🖤 pic.twitter.com/45N6Z8baOc
— Valencia CF Femenino 🦇 (@VCF_Femenino) January 24, 2021
FICHA TÉCNICA
VALENCIA CF: Enith, María Ortiz, Berta Pujadas (Cris Cubedo min. 78), María Jiménez, Kerlly, Torrodá, Carro, Sandra (Anita Marcos, min. 73), Asun (Flor Bonsegundo, min.46), Candela (Alejandra Serrano, min. 82) e Jansen.
DÉPOR ABANCA: Esther Sullastres, Cris Martínez, Lorena Bedoya (Kika Moreno, min. 75), Stephannie Blanco, Noelia Villegas, Alba Merino, Iris Arnaiz, Gaby, Lady Andrade (Michelle Romero, min. 67) , Ainize Barea ‘Peke’ e Athenea del Castillo.
GOLES: 1-0 Ellen Jansen (min. 13); 2-0 Candela Andújar (min. 62); 3-0 Flor Bonsegundo (min. 74).
ÁRBITRA: González Sánchez, do colexio Castellán-Leonés. Amonestou a Iris Arnaiz (min. 23), Berta Pujadas (min. 32) e Cris (min. 58).
INCIDENCIAS: Partido da 16ª jornada da Primera Iberdrola disputado no Estadio Antonio Puchades da Ciudad Deportiva de Paterna en Valencia a porta pechada por mor da situación sanitaria a causa da pandemia de COVID-19.
