O Comité Olímpico Español (COE) ven de homenaxear nunha gala ás deportistas femininas que gañaron medallas olímpicas nos últimos anos. Entre elas atópanse tres galegas: Begoña Fernández, Támara Echegoyen e Sofía Toro.
Estas últimas lograron un ouro en vela nos Xogos Olímpicos de Londres 2012, xunto coa asturiana Ángela Pumariega. Pola súa parte, Fernández logrou nos mesmos Xogos un bronce coas Guerreras de balonmán.
A XV Gala celebrouse o pasado mércores en Madrid, nun acto no que as deportistas recolleron un diploma como recoñecemento da súa aportación ao deporte feminino español.
As atletas foron recibindo o recoñecemento por medallas, comezando coas de bronce e rematando polas de ouro, onde se atopaban as dúas galegas competidoras en vela e a ex xogadora de balonmán.
Muchas gracias al @coe_es por este reconocimiento.
El deporte femenino español cada vez es más fuerte 💪 Y es un honor formar parte de esta generación de mujeres💜 pic.twitter.com/Plhc4QkCRE— Sofía Toro (@sofiatoropp) December 17, 2020
Toro e Echegoyen foron as únicas galegas que participaron nuns Xogos Olímpicos e lograron unha medalla de ouro, tal e como recorda o perfil de @GaliciaOlimpica. Fernández, pola súa banda, logrou na mesma edición un bronce en balonmán co conxunto español.
❓ Cantas #GalegasOlímpicas conseguiron unha medalla?
🔹 Só 3️⃣
🥇 @sofiatoropp
🥇 @TEchegoyen
🥉 @BegoFer18📍 Todas en #Londres2012 https://t.co/9QiUu9XLIu
— Galicia Olímpica (@GaliciaOlimpica) December 16, 2020
Echegoyen irá a Toquio 2020
A tripulante terá unha oportunidade máis de loitar por unha medalla para España nos Xogos de Toquio 2020, que pola pandemia adiáronse ao próximo verán.
A galega participou recentemente no Grand Prix de Portugal co equipo español, acadando tamén nesta competición unha vitoria.
Gracias! https://t.co/hNHkJL7eAd
— Támara Echegoyen (@TEchegoyen) December 13, 2020
Coa mente posta nos seguintes Xogos, a deportista xa se prepara coa vista posta en acadar outra medalla para España.
