Na fin de semana o HC Borbolla recibiu ao CP Esneca Vila-Sana na Ok Liga feminina de hoquei sobre patíns. As catalás exerceron de líderes sen baixar os brazos nin o ritmo en ningún momento. O seu xogo sobre a pista coruñesa, loitando cada bóla pese a ter a salvación asegurada, deu mostra da súa competitividade.
O resultado final, un 1-3 en Monte Alto, fai que as coruñesas caigan á penúltima posición da táboa a catro puntos da permanencia. O adestrador das galegas, Santi Martínez, lamentaba a falta de tino cara a gol das herculinas do HC Borbollla.
Pola contra, aínda que acaban de perder o seu primeiro partido, o conxunto filial das tomatitas, non vai nada mal na Ok Liga Prata. Podería ser que o segundo equipo, fixera que o primeiro conservase a praza na elite ou a competición o non o permitiría ao ser un filial? Preguntámosllo ao adestrador de ambos os dous conxuntos, o técnico coruñés Santi Martínez.
As Nosas: A derrota contra un equipo do nivel do Vila-Sana podía entrar nas contas, pero aínda así faivos baixar na táboa.
Santi Martínez: Si, claro, podía entrar nas contas perder, pero tomámonos todos os partidos sabendo que precisamos gañar si ou si. E desgraciadamente non fomos quen de conseguilo fronte a un equipo moi forte, que, apesar de que están salvadas, e teñen asegurado o primeiro posto de grupo, non se relaxaron en ningún momento. O Vila-Sana saíu a polo partido desde o pitido inicial. Unha mostra delo foi como festexaron os goles e como buscaron marcar gol até o último segundo do partido.
As Nosas: Tanto na ida como neste partido de volta plantáchedes cara ao Vila-Sana pero sen éxito final.
Santi Martínez: En ambos os dous partidos, plantámoslles cara e xogámoslles de ti a ti, con momentos de dominio noso pero sen tino cara a gol. É iso o do que estamos pecando toda a tempada e o que nos está a penalizar para atoparnos nesta situación na clasificación.
Primeira derrota do HC Borbolla na Ok Liga Prata
As Nosas: No caso do filial na Ok Liga Prata, tampouco foi unha boa semana. Colleitáchedes a vos primeira derrota 2-3 co Alcorcón e o gol da vitoria visitante foi a menos de dous minutos do final. Que lectura fas do partido desde o banco?
Santi Martínez: No partido da Ok Liga Prata co CP Alcorcón vivimos un primeito tempo de dominio noso con múltiples ocasións de gol pero so logramos un tanto. Defendemos moi ben, con moitas ayudas sobre as súas principais xogadoras. Fixémoslles non sentirse cómodas e impedímoslles crear moitas ocasións na nosa portaría.
Na segunda parte o encontro igualouse un pouco e as ocasions de gol repartíronse un pouco máis. Ao final, a calidade de Marina nos últimos instantes decidiu o partido nun par de xogadas illadas
A verdade é que foi un duro castigo para o bo partido que fixemos. Creo que mereciamos un mellor resultados pero ao final os goles son o que conta.
As Nosas: Co Igualada que está a parte alta esta derrota pode supor un alto peaxe para o Borbolla?
Santi Martínez: Aínda falta moito, pero polo visto parece ser que os enfrentamentos directos entre os catro primeiros equipos clasificados decidirán o resultado final. Eu non descarto ao CP Las Rozas pese ao seu inicio irregular.
As Nosas: Aínda que o filial de Ok Liga Prata perdeu esta semana podería ser que optase ao ascenso. Que pasaría se o primeiro equipo descende da Ok Liga? Manteríase na elite o HC Borbolla pola praza gañada polo segundo equipo, ou ao tratarse dun filial non é posible que opte a subir de categoría?
Santi Martínez: En caso de descenso en Ok Liga, se acadamos un dos dous primeiros postos na Ok Liga Prata, si que poderíamos ascender.
O HC Deportivo Liceo vence ao Rochapea e as coruñesas colócanse segundas na OK Liga Prata
