O machismo volve a colarse unha vez máis nas noticias relevantes da xornada, e deixa o poso do sentimento de que xamais nos abandonará. María Luisa Rodríguez ‘Misa’, gardamallas do Real Madrid C.F. e que militou no Dépor ABANCA a pasada tempada, quixo celebrar a vitoria do seu actual equipo contra o Liverpool FC nos cuartos de final da Champions League do pasado martes. A canaria publicaba un ‘tuit’ cunha foto súa e outra do xogador Marco Asensio e as palabras “Misma pasión”. Ata aquí todo normal.
O que ocorrería a continuación, en pleno 2021, ten visos do máis profundo e recalcitrante anclaxe o pasado, a unha sociedade patriarcal na que o papel da muller na vida gozaba de máis sombras que luces. Unha chea de mensaxes retrógrados e que atacaban directamente á liberdade individual de Misa obligou á gardamallas a borrar a súa publicación da súa conta oficial de Twitter. Como, cando, onde…en que momento temos que volver unha e outra vez a 1900 como si dun continuo viaxe ao pasado se tratase?
Como, cando, onde…en que momento temos que volver unha e outra vez a 1900 como si dun continuo viaxe ao pasado se tratase?
Semellamos empeñad*s en que o reloxo marque as horas dun tempo pasado que endexamais resultou mellor. No que había un xénero de primeiras e outro de segundas, e no que as mulleres estaban limitadas en moitos eidos da sociedade. Estariamos enganándonos a nós mesm*s si dixeramos que estamos máis preto de acadar a igualdade que de superar as pantasmas do pasado. Porque o certo é que a sombra da desigualdade e do machismo é aínda moi alongada. Moito. E só cos nosos comportamentos individuais, que se transforman posteriormente en colectivos, poderán contribuír a frear esta lacra e a construír, desde o positivismo, o mundo que todas e todos queremos.
Estariamos enganándonos a nós mesm*s si dixeramos que estamos máis preto de acadar a igualdade que de superar as pantasmas do pasado.
Ninguén tería que soportar este tipo de comportamentos, de ataques á liberdade de expresión, nin hoxe nin nunca. Situacións como estas son o aviso de que aínda nos queda moito camiño por percorrer. Que non avanzamos cara unha sociedade igualitaria ao paso que desexariamos, e que non debemos dar nin un paso atrás ante ataques deste calibre.
Porque a mellor parada que se pode realizar e decir NON ao machismo.
E que digan Misa!
O fútbol vólcase coa exdeportivista Misa e contra o machismo
