O BAXI Ferrol anuncia a súa quinta confirmación coa ampliación do contrato de Dynn Leaupepe. A samoana seguirá ás ordes de Lino López unha tempada máis, no regreso do club ferrolán á LF Endesa.
Despois de competir durante dous anos na categoría de prata, a LF2, e ser unha das artífices do ascenso, a xogadora ten claro que non quería perder o curso na división de ouro: “Confío en que sigamos desfrutando da viaxe e retomémolo onde o deixamos a pasada tempada, pero cunha actitude máis competitiva, para demostrar que merecimos a praza na Liga Endesa”, declaraba.
Leaupepe: “Confío en que sigamos desfrutando da viaxe e o retomemos onde o deixamos a pasada tempada”
A samoana, que cumprirá a súa terceira campaña vestida de azulón, non dubidou en seguir en Ferrol. “Decidín quedar no BAXI polo cómoda que estou aquí coas miñas compañeiras, o corpo técnico e, por último, pero non menos importante, pola cidade e a xente de Ferrol. Tamén por competir na máxima liga de España”, confesaba.
Mensaxe á afección de Leaupepe
A deportista, Dynn Leaupepe, quixo enviar tamén unha mensaxe á afección, amosando o seu agradecemento: “Aos fans quero dicirlles que o seu apoio é inimaxinable e realmente asombroso. Estou moi agradecida polo seu apoio malia todo o que está a suceder pola pandemia. Espero que podamos compartir máis momentos divertidos a próxima tempada e que nos animen na Malata ou onde sexa”.
Leaupepe: “Aos fans quero dicirlles que o seu apoio é inimaxinable e realmente asombroso”
Quinta jugadora del BAXI Ferrol 2021-22, quinta embajadora del mejor Ferrol.
Con ustedes…#SienteElUni pic.twitter.com/wPPBa1e9cc
— Baxi Ferrol (@UniFerrol) May 14, 2021
Co anuncio da súa renovación, Leaupepe convértese na quinta confirmación do BAXI Ferrol para o curso 2021/2022, despois de Jenna Allen, Natalia Rodríguez, Patri Cabrera e Suné Swart.
