O Durán Maquinaria Ensino plantoulle cara e competiu moi ben diante dun dos rivais máis complicados da categoría, o Perfumerías Avenida, aínda que rematou por perder o encontro.
As lucenses caeron coas botas postas e dando todo na pista aguantando con igualdade no electrónico ata a recta final do partido que, finalmente, concluíu un marcador de 52-58 para as visitantes.
Meritorio partido, polo tanto, para as pupilas de Carlos Cantero que xogaron diante de so 60 incondicionais. O día anterior ao choque, o club recibiu a notificación de que o aforo do partido non podería superar esa cifra de afeccionados. Desde o Durán Maquinaria Ensino priorizouse as persoa socias da entidade que antes retiraran o seu abono neste curso 2020-2021.
O Perfumerías Avenida é o vixente campión da Copa da Raíña e da Supercopa LF Endesa pero tivo que esforzarse para impórse ao CB Ensino. As locais tiveron unha gran saída na segunda mitade e acariñou a vitoria diante dun dos conxuntos que é, hoxe por hoxe, un dos equipos candidatos ao título de Liga Endesa.
O gran partido da estadounidense Merrit Hempe fixo que fose elixida MVP pola afección lucense. Foi a líder do Durán Maquinaria Ensino pese a pouca pretemporada que tivo para facerse co xogo das súas compañeiras e coller o tono físico.
O entrenador das lucenses admitía logo do partido ante os medios que “Hempe realizou un bo partido”, pero matizaba que o acadou “grazas sempre ao traballo das compañeiras, bloqueos que lle pon, pases que a buscan…”, defendendo así o traballo en equipo.
Primer partido… primer MVP de la afición. Merrit Hempe 🇺🇸.
🏀17 puntos. 6/8 en TC. 3 rebotes y 21 de Valoración. #SomosEnsino | #VoltaráLoita pic.twitter.com/Lyecm59sd3
— Ensino Lugo (@EnsinoLugoCB) September 19, 2020
Pese á teórica superioridade do Perfumerías Avenida adestrado por Roberto Íñiguez, chegouse ao último cuarto cun 44-44 no marcador e foi aí cando se lles esgotaron as forzas ás galegas e agromou a mellor Maite Cazorla para asinar 19 puntos con 7/8 en el tiro e un +15 con ela na cancha.
Carlos Cantero, técnico do Durán Maquinaria Ensino: “Perder nos últimos minutos déixannos cun sentimento agridoce pero imos la liña correcta polo que se pode realizar unha lectura positiva do partido”
Carlos Cantero, adestrador das lucenses explicaba tras o encontro que o feito de perder “nos últimos minutos do partido fai que quedes cun sentimento agridoce, pero déixache ganas de traballar dado que imos na liña correcta, así que se pode realizar unha lectura positiva” do partido.
O preparador das galegas apuntaba que o equipo que adestra soubo “ver a ver a debilidade do rival e atacar por aí”.
FICHA TÉCNICA
DURÁN MAQUINARIA ENSINO: Merritt Hempe (25), Natalie Van den Adel (34), Aleksandra Stanacev (36), Laura Aliaga (25), Bea Sánchez (23) – quinteto inicial-, Vega Gimeno (16),Marta Tudanca (4), Chatrice Marie White (16), Alba Prieto (18), Alicia Villegas (4), Marta Blanco (-).
PERFUMERÍAS AVENIDA: Silvia Domínguez (22), Andrea Vilaro (32), Emese Eva Hof (14), Nikolina Milic (17), Karlie Anne Samuelson (19) —quinteto inicial—, Pilar Rodríguez (25), Maite Cazorla (26), Paula Suárez (-), Marica Gajic (31), Umo Diallo (15.
ÁRBITROS: Pere Munar Bañon, Eduard Colomer Castello e Sergio Eduardo González Morán
INCIDENCIAS: Pazo provincial dos Deportes de Lugo. Ante 60 afeccionado. O aforo viuse limitado por mor da situación epidemiolóxica de Lugo na COVID-19.
PARCIAIS: 9-16, 15-13, 20-15 e 8-14 (52-58)
🏀🏀O Durán Maquinaria Ensino @EnsinoLugoCB perde na súa estrea na liga ante o @CBAvenida (52-58)
✍️60 afeccionados presenciaron o encontro
👇👇👇👇👇👇 pic.twitter.com/LxajW8VcOp— En Xogo tvG2 (@EnXogo_tvG2) September 19, 2020
Consulta aquí datos da Liga Endesa
- Estatísticas do encontro Durán Maquinaria Ensino vs Perfumerías Avenida
- Estatísticas do Durán Maquinaria Ensino
- Resultados Primeira Xornada
- Clasificación 2020-2021
- Estatísticas da Liga Endesa
- Próxima xornada
