- Un mal comezo condea ao Durán Maquinaria Ensino á derrota na cancha do SPAR Gran Canaria onde acaba perdendo 68-52.
O primeiro parcial do choque, cun resultado de 23-11, foi un lastre para as galegas que si aguantaron o ritmo das grancanarias o resto do partido pero non puideron remontar a marxe colleitada polas locais.
Non puido chegar a terceira vitoria consecutiva para o equipo que adestra Antonio Pernas. O Durán Maquinaria Ensino caía derrotado no Gran Canaria Arena xustamente cun rival directo para entrar na Copa. Logo deste cruce as galegas están novenas e as canarias oitavas. Ese é xusto o lugar de corte para entrar no Torneo do KO. Aínda quedan por diante varias xornadas para chegar ao final da primeira volta e que as lucenses acaden un lugar para loitar nesa competición este curso.
A checa Petra Holesinska con 22 puntos, Sika Koné con 17 e Sokhna Adji Fall con 13, foron as xogadoras máis atinadas ante o aro por parte do conxunto local. Sika Koné foi ademais a xogadora máis valorada do partido con 23.
Recibir nos primeiros minutos de xogo un parcial de 10-0 pode marcar un partido e así foi. Antonio Pernas pedía tempo morto para frear a sangría cun 16-2 no electrónico do Gran Canaria Arena. A partir de aí o partido tomaba outro rumbo, pero foi complicado remontar o marcador acumulado.
O equipo amarelo, adestrado por José Carlos Ramos, viu como o conxunto galego espertaba da man de Blanca Millán e Margaret Roundtree. Ao final do primeiro cuarto chegouse con 12 puntos de diferencia entre grancanarias e lucenses (23-11).
No segundo cuarto o resultado foi de empate a 18 puntos, e no terceiro as locais conseguían aumentar un chisco a súa renda cun parcial de 17-13 que colocaba o global do partido en 58-42. No último cuarto o resultado foi de 10-10 deixando o marcador final do choque en derrota para as galegas por 68-52.
O Durán Maquinaria Ensino perde co SPAR Gran Canaria na maioría das estatísticas
O SPAR Gran Canaria foi mellor ca o Durán Maquinaria Ensino de Lugo en todos os parámetros do xogo.
- TC: 42% vs 27%
- T2: 40% vs 32%
- T3: 50% vs 7%
- TL: 81% vs 78%
- AS: 65% vs 35%
- RB: 61% vs 38%
- TP: 66% vs 33%
Unicamente en balóns roubados o equipo galego foi mellor ca o grancanario cun 64% fronte ao 35% das locais. No caso dos balóns perdidos tamén tiñan mellores cifras cun 42% fronte ao 57.8% das locais.
FICHA TÉCNICA
68) SPAR GRAN CANARIA (23+18+17+10): Hollyvay (6), Blasigh (8), Petra Holesinka (22), Sika Koné (17) e Sokhna Adji Fall (13) – quinteto inicial -. Tamén xogaron: Salvado (-), Padilla (-), Doumbia (2) e Toure (-).
52) DURÁN MAQUINARIA ENSINO (11+18+13+10): Olaeta (6), Prieto (5), Paula Ginzo (10), Laura Aliaga (-) e Miller (-) – quinteto inicial -. Tamén xogaron: Segura (5), Castedo (3), Blanca Millán (10), Margaret Roundtree (12), Giomi (1) e Martiañez (-).
PARCIAIS: 23-11, 41-29, 58-42 e 69-52.
EQUIPO ARBITRAL: Paula Lema Parga, Igor Esteve Malmierca e Fernando Martínez Estopiñán.
INCIDENCIAS: Partido correspondente á undécima xornada da Liga Endesa da FEB disputado no Gran Canaria Arena de Las Palmas de Gran Canaria.