Logo de caer derrotado ante o Perfumerías Avenida no Torneo XacobeO (54-74) o Durán Maquinaria Ensino pon o punto e final á súa pretempada cun triunfo. Neste caso o rival foi o Embutidos Pajariel Bembibre ao que as lucenses se impuxeron pola mínima 62-63, tras un partido moi parello.
O primeiro cuarto era para as xogadoras galegas que este curso adestra o técnico Antonio Pernas, e que remataban o tempo de xogo cun parcial de 17-18 ao seu favor. Ao descanso o Durán Maquinaria chegaría cun pouco máis de diferencia, seis puntos por encima do seu rival cun tanteo de 28-34.
Logo do paso por vestiarios o Durán Maquinaria Ensino seguiu mandando no marcador pero un pouco menos no partido. Digamos que no segundo tempo complicouselle o choio ás lucenses.
O terceiro cuarto remaba cun parcial de 17-14 que colocaba o partido 45-48. Reducíase a vantaxe das galegas na metade. So tres puntos arriba. O conxunto lucense estaba a un triple de ser alcanzado polo leonés.
O Ensino xestiona a súa vantaxe e vence pola mínima
No período final as locais apretaron máis e conseguiron levar tamén o cuarto cun parcial de 17-15 que deixaba o partido 62-63 e permitía ás galegas do Ensino Lugo levarse o triunfo a casa.
Final del primer cuarto: @CBBembibrePDM 17 – @EnsinoLugoCB 18. #LFEndesa #Pretemporada pic.twitter.com/v3SOYb7i55
— Embutidos Pajariel Bembibre P. D. M. (@CBBembibrePDM) September 30, 2022
O club lucense ten previsto un acto de presentación oficial da primeira plantilla da entidade, así como das categorías inferiores do club. O acto está previsto para ter lugar nas instalaciones de Durán Maquinaria en A Campiña.
FICHA TÉCNICA
62) EMBUTIDOS PAJARIEL BEMBIBRE (17+11+17+17): Ainhoa Lacorzana (-), Anna Palma (4), Erin Whalen (14), Anniina Äijänen (4) e Veera Pirttinen (-) – quinteto inicial -. Tamén xogaron: Roselis Silva (4), Helena López (11), Dasha Dubniuk (3), Laia Moya (8), Laura Westerik (5) e Vanessa Austin (9).
63) DURÁN MAQUINARIA ENSINO (18+16+14+15): Ane Olaeta 13(), Lorena Segura (2), Paula Ginzo (8), Blanca Millán (13) e Margaret Roundtree (20) – quinteto inicial -. Tamén xogaron: Alba Prieto (5), Laura Aliaga (2), Carmen Suárez (-), Lucía Sotelo (-) e Naroa Martínez (-).
PARCIAIS: 17-18, 11-16, 17-14, 17-15
EQUIPO ARBITRAL: Rodríguez, Cubero e Jurado.
INCIDENCIAS: Partido amigable disputado no pavillón Bembibre Arena de Bembibre (León). O adestrador do equipo local foi Pepe Vázquez e o das visitantes, Antonio Pernas.
