O Pavillón de Mendizorroza foi escenario dun partido de baloncesto de moito nivel entre as locais do Kutxabank Araski e o Durán Maquinaria Ensino. O resultado final de 65-67 outorgaba o triunfo as galegas por so dous puntos de diferencia, pero esa simple canastra de dous tiña un significado moito maior. Esa vitoria curta pero valiosa é a que fai que as luceses certifiquen a súa clasificación para os play-offs de loita polo título na Liga Endesa. Un fito que as coloca entre as mellores do baloncesto feminino estatal.
Matemáticamente o Durán Maquinaria Ensino que adestra Carlos Cantero, xa está clasificado para a disputa dos play-offs polo título na Liga Endesa. Respiran tranquilas as lucenses logo dun partido moi loitado no que as de Vitoria tiveron o balón no seu poder ata o último minuto e puideron, polo tanto, forzar a prórroga. Algo que finalmente non conseguiron.
En canto se escoitou a bucina a alegría do banco lucense abriuse paso pola pista para festexar que o Ensino se tiña clasificado para os s play-offs da loita polo título.
🔥 Jornada XIX
📸 Vídeo del final@Araski [65] – [67] 🚜 Ensino Lugo#SomosEnsino | #VoltaráLoita@DuranMaquinaria @Cafescandelas @SomosABANCA pic.twitter.com/bs1yFQdY5w— Ensino Lugo (@EnsinoLugoCB) March 20, 2021
As xogadoras que adestra a entrenadora Madelen Urieta non baixaron os brazos en todo o partido e loitaron até o último suspiro do mesmo, no que tiveron incluso chance coa súa posesión, pero o trunfo foi finalmente para as xogadoras do equipo galego.
O Durán Maquinaria Ensino comenzaba forte o primeiro cuarto no que conseguía adiantarse cun 20-25. Xa no segundo, as locais recurtaron a diferencia ate os catro puntos 36-40 e un parcial de 16-15 co que se adxudicaban o segundo dos tempos e marchaban ao descanso co partido aberto.
Exactamente o mesmo resultado se deu no terceiro parcial 16-15 e o partido quedaba a un tiro de tres do empate (52-55).
10’ para el PlayOff pic.twitter.com/fXhCqk01Hh
— Ensino Lugo (@EnsinoLugoCB) March 20, 2021
O último cuarto estivo a piques de dar lugar á prórroga pero o parcial de 13-12, no que unha vez máis as locais se impoñía por so un punto, non abondou. De feito, as xogadoras do Kutxabank Araski que adestra Madelen Urieta tiveron a derradeira posesión do partido e, de atinar no seu tiro a canastra poderían ter forzado que o partido non se detivese aí. O resultado final: 65-67 para as galegas.
A MVP foi Chatrice White do Durán Maquinaria Ensino cun 34 valoración de valoración.
O Durán Maquinaria aínda xogará un partido máis no Pazo
Cando queda aínda un partido por disputar desta fase, o Ensino Lugo ocupa a sétima plaza na clasificación da Liga Endesa.
As galegas xogarán a última xornada, antes da súa loita dos play-offs polo título, no Pazo dos Deportes de Lugo e o farán ante as colistas do conxunto do Quesos El Pastor. As asturianas unicamente teñen gañado tres partidos nesta fase. O partido contra o conxunto de Gijón disputarase o sábado 27/03/2021 ás 19:00 horas exactamente igual ca o resto dos encontros desa xornada 30 xa que ten horarios unificados.
FICHA TÉCNICA
65) KUTXABANK ARASKI: Tamara Abalde (8), Asurmendi (3), Laura Quevedo (12), Joy Brown (8) e Seda (19) – quinteto inicial -. Tamén xogaron: Izaskun García (11), Cristina Molinuevo (-), Laura Pardo (-) e Valeriya Berezhynska (4).
67) DURÁN MAQUINARIA ENSINO: Aleksandra Stanavec (12), Vega Gimeno (12), Laura Aliaga (6), Helena Oma (6) e Chatrice White (15) – quinteto inicial -. Tamén xogaron: Natalie Van den Adel (3), Bea Sánchez (13), Alba Prieto (-) e Marta Blanco (-).
PARCIAIS: 20-25, 16-15, 16-15 e 13-12.
ÁRBITROS: Colexiados Ángel de Lucas, Juan Gabriel Carpallo Miguélez e Alejandro López Lecuona.
INCIDENCIAS: Partido correspondente á xornada vixésimo novena da Liga Endesa disputado no pavillón polideportivo de Mendizorrotza, Vitoria – Gasteiz (Álava).
Carlos Cantero: “Estamos eufóricas por acadar o obxectivo: estar no ‘play-off’”
