O Lointek Gernika Bizkaia vence en Lugo ao Durán Maquinaria Ensino (58-65) e acada o seu pase á disputa da fase final da Copa da Raíña ao mesmo tempo que as galegas perden case que todas as súas opcións de participar nesa competición. Con todo, quédalles un último cartucho mañá venres 30 de decembro, cando xogarán contra doutro aspirante, o Movistar Estudiantes, a partir das 19:00 en Madrid.
Unha derrota é sempre cal e area en función de quen conte a historia. Nesta ocasión a cara e a cruz dun resultado é aínda maior xa que un dos rivais clasifica para a Copa e o outro dille case adeus a esa posibilidade.
Egun on! 🤩
Nos vamos a la Copa! 🏆🚀#GutarikoBat💜 pic.twitter.com/Co2vagwCit
— Lointek Gernika Bizkaia (@GKesb) December 29, 2022
A 14ª xornada da Liga Feminina Endesa enfrontaba no Pazo dos Deportes de Lugo a Gernika e Durán Maquinaria Ensino. As visitantes chegaban con catro derrotas consecutivas ás costas e as galegas presentábanse como un conxunto moi seguro na cada. Empezo o partido accidentado cun retraso no arranque por mor dun atranco coa acta dixital. Toda vez que o balón empezou a botar, este incidente foi historia.
A por la séptima ‼️‼️‼️
🏆 Jornada 14 #LFEndesa @EnsinoLugoCB 0️⃣@GKesb 0️⃣#VamosEnsino #ActitudRío pic.twitter.com/FuWpbsGKnf
— Ensino Lugo (@EnsinoLugoCB) December 28, 2022
O Durán Maquinaria Ensino foi por detrás no electrónico durante todo o partido. As xogadoras que adestra Antonio Pernas estiveron preto de remontar no segundo cuarto e incluso chegou a empatar o partido no cuarto período, pero o Lointek Gernika Bizkaia non permitiu que se lle escapase o partido.
No arranque do choque as visitantes chegaron a ter unha vantaxe de 13 puntos aínda que o cuarto remataría cun marcador de 11-19.
No segundo cuarto o Durán Maquinaria Ensino achegouse a os cinco puntos pero rematou o tempo de xogo dez puntos abaixo cun 22-32 no electrónico do Pazo.
A reacción volveu chegar no bando local no terceiro cuarto que rematou cun tanteo de 42-45 e todo por decidir no cuarto final.
⏰ 7:00 del 4C en el Pazo‼️‼️‼️
🏆 Jornada 14 #LFEndesa @EnsinoLugoCB 4️⃣6️⃣@GKesb 4️⃣9️⃣#VamosEnsino #ActitudRío pic.twitter.com/EaGawUUzLH
— Ensino Lugo (@EnsinoLugoCB) December 28, 2022
Neste último período de xogo o Lointek Gernika Bizkaia viu perigar o seu dominio. O Durán Maquinaria Ensino foi quen incluso de empatar o choque pero o empurrón final das visitantes colocaba o electrónico no 58-65 definitivo que metía ás visitantes no torneo do KO e sacaba as locais da ecuación copeira.
A xogadora máis valorada do partido foi Sandra Ygueravide cun 23 de valoración logo de 32 minutos de xogo e 26 puntos anotados. No equipo local, a xogadora máis valorada, con 17 puntos, foi Alba Prieto.
O último tren da Copa para o Durán Maquinaria pasa por Madrid
Sen tempo para pensar, o Durán Maquinaria Ensino xa ten en mente o seguinte reto deportivo, o último de 2022. O conxunto lucense xogará ás 19:00 horas do 30 de decembro na cancha do Movistar Estudiantes. Arbitran o cruce os colexiados Carlos Javier García León, Alcaide Moreles García e María Cortés Paya. O partido xógase no Pavillón Antonio Magariños de Madrid.
Mañana despedimos el 2022.
En juego está la última plaza para jugar la Copa ‼️‼️‼️🏆 Jornada 15 #LFEndesa
✅ Ganar y esperar para entrar entre lo 8 primeros
🆚 @MovistarEstu
📍🏟 Magariños- Madrid
⌚️19:00 horas
📺 Teledeporte#VamosEnsino #ActitudRío pic.twitter.com/6lT0T4zZ03— Ensino Lugo (@EnsinoLugoCB) December 29, 2022
Este cruce é o último tren das galegas para xogar a Copa da Raíña. Xustamente o seu rival desta 15ª xornada é outro dos aspirantes. O Movistar Estudiantes depende de si mesmo para entrar na fase final do torneo do KO. Non é o caso do Durán Maquinaria Ensino que terían que gañar en Madrid e estar pendentes doutros marcadores. A conta máis sinxela para que as galegas xogasen a Copa da Raíña sería coas derrotas de Pajariel Bembibre e IDK Euskotren (ademais dunha vitoria lucense).
O Movistar Estudiantes é 10º e o Ensino 11º. Ambos os dous con 20 puntos e empatados con Embutidos Pajariel Bembibre PD (8º) e IDK Euskotren (9º).
FICHA TÉCNICA
58) DURÁN MAQUINARIA ENSINO (11+11+20+16): Anne Olaeta Larrauri (8), Alba Prieto Martínez (13), Laura Aliaga Romero (6), Paula Ginzo (8), Margaret Roundtree (9) – quinteto inicial -. Tamén xogaron: Lorena Segura Moreno (7), Esther Castedo Potente (1), Lydia Giomi (6) e María Martiáñez Vendrell.
65) LOINTEK GERNIKA BIZKAIA (19+13+13+20): Adrijana Cvitkovic (10), Sandra Ygueravide Viana (26), GAbija Meskonyte (3), Roso Buch Rosell (11), Gomes Da Silva (4)- quinteto inicial -. Tamén xogaron: Laura Spreafico (3), Brooque Christia Williams (6), Patricia Bura (2) e Itziar Ariztimuño López.
PARCIAIS: 11-19, 22-32 – descanso – 42-45 e 58-65.
EQUIPO ARBITRAL: Jacobo Rial Barreiro, Asunción Langa e Eduard Colomer.
INCIDENCIAS: Partido celebrado no Pazo dos Deportes de Lugo correspondiente á 14ª xornada da Liga Femenina Endesa. Houbo un atranco coa acta dixital que motivou un retraso no arranque do partido de 20 minutos con respecto á hora fixada que eran as 20:15.
