Xa o aventuraba o adestrador do Durán Maquinaria Ensino Carlos Cantero, na previa desta cuarta xornada da Liga Endesa, o partido ía ser moi intenso e habería que loitar de principio a fin.
As xogadoras do Lointek Gernika Bizkaia comezaron xa dende o salto inicial a impoñer un ritmo de xogo moi consistente con dúas canastras seguidas, pero foron respondidas por un triple de Stanacev e unha canastra de dous puntos de Hempe. As lucenses mantiñan o tipo en ataque confiadas polo bo traballo e a última victoria na casa fronte o IDK Euskotren. Sen embargo, se podemos falar dun momento clave do encontro, serían os últimos 44 segundos deste primeiro cuarto, no que as lucenses encaixaron un parcial de 7-0 e o marcador quedaría 26-15, unha distancia que sería difícil de remontar.
Cantero: “Non soubemos impór unha defensa consistente no arranque”
Consultado pola súa visión do partido, Carlos Cantero, adestrador do Ensino, valoraba os primeiros compases do encontro explicando que tiña sido un “partido complicado no que non soubemos impoñer a nosa consistencia a nivel defensivo nos primeiros minutos de partido”.
No segundo cuarto, as xogadoras do Ensino mostraron a súa raza e guiadas polo bo facer de Vega Gimeno en ataque (8 puntos neste cuarto), conseguiron chegar ao descanso tan só sete puntos por debaixo do marcador (42-35) e con todo por decidir.
Á volta do descanso, unha excepcional Vega Gimeno (ao final a mellor xogadora das lucenses e elixida no quinteto ideal desta xornada) acercaba ás súas a catro puntos e daba esperanzas ás lucenses, pero non foi máis que un espexismo. Un parcial de 8-0 volvía a poñer diferencias a favor do Gernika. 61-49 ao final do terceiro cuarto.
🏀MVP de la afición @vegagimeno
🎯19 puntos y ⚒6 rebotes. #SomosEnsino | #LFEndesa | #VoltaráLoita pic.twitter.com/PymumzuvG4
— Ensino Lugo (@EnsinoLugoCB) October 10, 2020
No último cuarto as vascas mantiveron un ritmo anotador moi consistente e as lucenses, a pesares dos seus intentos, tan só podían ver como cada vez a diferencia no marcador ía en aumento. Ao final 84-62, un resultado final quizás demasiado duro para as xogadoras de Ensino.
Ao remate do encontro, Carlos Cantero explicaba que “non estivemos mal no xogo de ataque, pero a segunda parte e en especial o último cuarto acusamos o cansazo e non conseguimos estar cómodas”.
Carlos Cantero, adestrador do Durán Maquinaria Ensino: “Non estivemos mal no xogo de ataque pero a segunda parte e en especial o último cuarto acusamos o cansazo e non conseguimos estar cómodas”.
O técnico lucense explicaba que “en defensa seguimos traballando para mellorar e témolo como materia pendente de fronte ao seguinte partido en Lugo“.
Con este resultado, o Lointek Gernika Bizkaia sitúase no quinto posto, mentras que o Durán Maquinaria Ensino quédase en décima posición (empatado con catro equipos máis) cunha vitoria de catro partidos xogados no que vai de competición.
As xogadoras lucenses terán que olvidar rápido este partido e centrarse en conseguir a próxima victoria no Pazo Provincial Dos Deportes onde recibirán ao Spar Gran Canaria que perdeu esta xornada tan só por dous puntos fronte o Spar Girona.
FICHA TÉCNICA
LOINTEK GERNIKA BIZKAIA: Laura Cornelius (15), Ángela Bjorklund (10), Margaret Roundtree (13), N. Gomes Colhado (6), R. Buch Rosell (14) -quinteto inicial-, Naiara Díez (-), M. Arrojo Jiménez (10), Milica Ivanovic (11), Paula Ginzo (2) e Itziar Ariztimuño (3).
DURÁN MAQUINARIA ENSINO: Merritt Hempe (13), Natalie Van den Adel (12), Aleksandra Stanacev (7), Alba Prieto (4), Bea Sánchez (2) -quinteto inicial-, Vega Gimeno (19), Marta Tudanca (-), Chatrice Marie White (2), Laura Aliaga (3) e Alicia Villegas (-).
ÁRBITROS: Víctor Mas Cagide, Elena Espiau Guarner e Rodrigo Garvin Domingo.
INCIDENCIAS: Polideportivo de Maloste en Vizcaya.
PARCIAIS: 26-15, 16-20, 19-14 e 23-13 (84-62)
