Tras a primeira xornada do Campionato Nacional de Liga en División de Honra e Primeira División, celebrada esta fin de semana, o Ría Ferrol, participante na máxima categoría, marcha na 12ª posición. Na división de prata, na que tomaron parte na defensa dos seus intereses un total de cinco equipos galegos.
O Ría Ferrol defende praza na División de Honra
Segundo apunta a Federación Galega de Atletismo, o Ría Ferrol logrou o primeiro e máis fundamental obxectivo que pasaba por evitar o cuarto e último posto. O conxunto galego cumpriu logrando unha terceira posición que lles abre o paso, neste primeiro asalto, a lograr o máximo obxectivo que non é outro que o de lograr a permanencia un ano máis na División de Honra.
Por parte do Ría Ferrol lograron primeiros postos a catalana Irene Bonafonte nos 800 m. e a ibicenca Marina Bagur nos 3.000 obstáculos nun encontro moi sufrido e agónico domiñado polos equipos vascos e na que tan só os mellores postos fixeron que as ferrolás lograran o triunfo final sobre o Super Amara Bat co que empataba a puntos.
Primeira División para Gimnástica e Celta
Na primeira división cara e cruz para os interese célticos xa que si os homes lograban un primeiro posto no seu compromiso, as mulleres non podían evitar ocupar o cuarto lugar no encontro disputado no CGTD de Pontevedra e na que o equipo da Gimnástica de Pontevedra precisamente, lograba o terceiro lugar tras o Marathon A.D. e Oviedo Atletismo.
Os triunfos galegos neste encontro para as viguesas foron os de Ainhoa Repáraz nos 100 m., Lucía Sánchez nos 200 m; María Carballido nos 800 m.; Lisa Vosberg en pértega; Uxía Paz en triplo e Paula Piñón en xavelina. Por parte da Sociedad Gimnástica foron a internacional Antía Chamosa en marcha, Eugenia Gil nos 400 m. e as relevistas dos 4×400 m. quenes lograban a máxima puntuación para as do Lérez.
Tras esta xornada, o Gimnástica marcha undécimo e o Celta décimo terceiro. A próxima cita para o clubs galegos será o vindeiro día 14 de maio.
